Saturday, January 8, 2011

జస్ట్ రాయాలనిపించింది అంతే - చివరన్నర భాగం.......................వందయ్యేదాకా వదల బొమ్మాళీ వదల --ప్రస్తుతానికి ఒక పాతిక - చివరాఖరి భాగం ఈ ఆదివారం సాయంత్రం ఆరు గంటలకి...చూస్తూనే ఉండండి www.blogavadgeetha.blogspot.com

వీటిని హైకూలు అనచ్చో లేదో నాకు తెలియదు. జస్ట్ రాయాలనిపించింది అంతే. నచ్చితే భుజం తట్టండి



౫౧. 
సిగరెట్ 
మనిషిని శివుడ్ని చేస్తుంది
గొంతులో గరళం నింపి

౫౨. 
అంతరిక్షం వైపు
రాకెట్, రేట్లు రెండూ ఎగిరాయి
రాకెట్ ఓడిపోయింది

౫౩. 
అవార్డులంటే 
అర్హులకు తప్ప
అందరికీ వచ్చేవి

౫౪. 
ఒక్కడి సంపాదనతో
చాలా మంది బతికే చోటు
దేవస్థానం

౫౫ 
మా ఆవిడ కొత్త వంట చేస్తోంది
అద్దంలో నాకు నేను
ల్యాబ్ లో ఎలకలా కనిపించాను 

౫౬ 
కొత్త ఊళ్ళో లైబ్రరీకెళ్లా
ప్రతి అరలోనూ
ఎంత మంది ఫ్రెండ్సో!!!

౫౭.
అవార్డు సినిమా ప్రీవ్యూ 
ఆడియన్సందరి గురక
స్పష్టంగా వినిపిస్తోంది 

౫౮ 
మళ్ళీ లేవక్కర్లేకుండా 
హాయిగా బజ్జోవడమే 
మరణం

౫౯ 
హిమాలయాల్లో సేల్స్ మాన్ 
మహర్షులని చూసి
రేజర్లమ్మడం మొదలెట్టాడు 

౬౦ 
పెళ్ళాం కన్నా ప్రేయసే బెటర్
తన తరపు ఫంక్షన్లకి 
వెళ్ళనవసరం లేదు

౬౧ 
వార్తల్లేని ఓ న్యూస్ చానెల్
భార్య భర్తల మధ్య
అక్రమసంబంధం వెలుగులోకి తెచ్చింది 

౬౨. 
అరవై మూడేళ్ళ స్వతంత్రం
అన్నీ నేర్చుకున్నాం
ప్రశ్నించడం తప్ప

౬౩ 
నాదో చిన్న సందేహం
"ఓంకారన్నయ్య"ని
వాళ్ళావిడ ఏమని పిలుస్తుందో?

౬౪. 
నా సెల్ పోయింది
ఒక్కసారిగా
బంధాలన్నీ తెగిపోయాయి 

౬౫ 
ఇంగ్లీష్ చదువు
బాబాయి, మావయ్య
ఇద్దరూ అంకుల్సే 

౬౬ 
మాతృభాష బ్రతికే ఉంది
దెబ్బ తగిలినప్పుడు 
"అమ్మా" అంటున్నాంగా

౬౭ 
టీవీలో యాంకర్ అమ్మాయి
ఎంత అందంగా
భాషను ఖూనీ చేస్తోందో !!!

౬౮ 
నేటి తెలుగు సినిమా పాట
శ్రద్ధగా వింటే 
ఒకట్రెండు తెలుగు పదాలు దొరక్కపోవు 

౬౯ 
అవసరాల్లోనే  గుర్తొచ్చే
ఒకే ఒక ఫ్రెండు 
దేవుడు

౭౦ 
ఒక్కసారీ లక్కు తగలని
ఏకైక లాటరీ
ఎన్నికలు

౭౧ 
చదువయ్యాక ఏం చేద్దామనుకుంటున్నావు?
నాన్నారి ప్రశ్నకి నా సమాధానం 
సరైన సమయం లో సరైన నిర్ణయం 

౭౨ 
ఈజిప్ట్ లో  నే చూసిన గొప్ప విచిత్రం
డాడీ కూడా
చచ్చాక మమ్మీ అవడం 

౭౩ 
కొత్త బైక్ కొన్నా
చిత్రంగా
రోడ్డు రేస్ ట్రాక్ లా కనిపించింది 

౭౪ 
వెధవ బ్యాంకులు
వెహికల్ కి లోనిస్తారట కానీ
వెజిటబుల్స్ కి ఇవ్వరట 

౭౫ 
ఫస్ట్ టైం స్పీల్బర్గ్ సినిమా చూస్తున్న 
పక్కసీట్లో తాతగారి కామెంట్
"ఇవన్నీ విఠలాచార్య ఎప్పుడో తీసేసాడుగా"

ఇంకో పాతిక ఈ ఆదివారం సాయంత్రం పోస్ట్ చేస్తా... దాంతో వంద పూర్తవుతాయి. అన్నీ ఒకసారే అయితే బోరు కొట్టేయ్యదూ!! ముందు నాలుగు భాగాలూ చదివే ఉంటారుగా. లేకపోతే ఇదిగో ఓ లుక్కేయండి. 



5 comments:

surya said...

బాగా ఉంటున్నాయి తొందరపడి స్వస్తిప్రజాభ్య: చెప్పెయ్యక ఒకపని చెయ్యండి. ఏనాడైతే ఒక్క కామెంటూ రాదో ఆనాడు ముగించెయ్యండి మీ "టూకీలని".

kannaji e said...

హాయి హాయి గా కూల్ కూల్ గా ఉన్నాయ్! ..మీ హాయ్.. కూలు... ఇంకా ఉన్నాయేమో ఇక్కడ అక్కడ కాస్త వెతికి మాకోసం ఇక్కడ బ్లాగండి...



http://buzzitram.blogspot.com/
http://4rfactor.blogspot.com/

తృష్ణ said...

బాగున్నాయని చెప్పటం పాత మాట
పొగట్టానికి లేదు కొత్త మాట
ఏం చెయ్యాలి ఇప్పుడట?

astrojoyd said...

not shanky but ur hykoos were really shakynd rocky..bravo

Videhi Visali said...

tatagaari comment mana BLNSdi ani naa nammakam :D