Monday, February 8, 2010

జాటర్ ఢమాల్ ......వీడే బుడుగు...చిచ్చుల పిడుగు

చా.................లా..లా .లా రోజులయిపోయింది నేను పోస్టు పెట్టి. అసలు ఈ వారం విపరీతంగా బిజీ అయిపోయి బ్లాగడానికి కుదరలేదు. ఇదిగో కాస్త తీరిక దొరికింది, బ్లాగుదాం అని ప్రారంభించి ఏం రాద్దామా అని ఆలోచిస్తున్నా...ఇంతలో ఒరేయ్ గారూ అంటూ బుడుగు ముందుకొచ్చి..."అహ నాకు తెలియకడుగుతున్నా అసలు నువ్వు బాపు, రమణలకు ఫ్యానువేనా? పైగా నీ ప్రొఫైల్ లో రమణ రచనలంటే అదేదో ఇది అని వెధవ కబుర్లొకటి, హన్నా! . కాబట్టి నువ్వర్జన్టుగా మన రమణ గాడు(రు) చేసిన గోప్పెష్టు క్రియేషన్ ఏదయినా నీ బ్లాగ్ ఫ్రెండులకి ఇచ్చెయ్యి. అఫ్కోర్స్ నువ్వు ఇంతవరకు నా గురించి నీ బ్లాగులో పెట్టలేదనుకో.. నేను ఆ విషయం అడక్కపోయినా ఇప్పుడు చచ్చినట్టు పెట్టి తీరతావనుకో....లేక పోతే నీకు ప్రైవేటు తప్పదని నీకు తెలుసనుకో..." అంటూ ఎడా పెడా వాయించేసాడు. ఇక అలాంటి రిక్వెస్టింగ్ ఆర్డర్ వేశాక తప్పుతుందా. 

అయినా బుడుగు గురించి మీకు పరిచయం చెయ్యడం అంటే ఆవకాయ గురించి తెలుగోడికి పరిచయం చేసినట్టే కాబట్టి ఆ బాపుబొమ్మ.కాం లో దొరికిన ఆ  బుడుగు  ఈ- బుక్ ని మీకు లింకుగా ఇస్తున్నా. ఆల్రెడీ చదివేశాం అంటారా. మళ్ళీ చదవండి...ఏం.. మాయా బజార్ మళ్ళీ వస్తే చూడట్లేదూ...ఇదీ అంతే! 


(పోస్టు బావుందని చచ్చినట్టు ఒప్పుకోకపోతే మీ పని  జాటర్ ఢమాలే! అని కూడా చెప్పమన్నాడు )