Thursday, December 31, 2009

ఈ సహస్రాబ్ది మొట్టమొదటి దశాబ్ద సంవత్సరంలో అందరికీ మంచే జరగాలని కోరుకుంటూ.....

యావన్మంది బ్లాగ్మిత్రులకు ఆంగ్ల నూతన సంవత్సర శుభాకాంక్షలు


ఈ క్రొత్త  సంవత్సరంలోనైనా కుల, మత, ప్రాంతీయ ద్వేషాలు సమసిపోవాలని మనఃస్ఫూర్తి గా కోరుకుంటున్నాను. 


ఈ సంవత్సరంలో కూడా నా బ్లాగ్ కు  క్రమం తప్పకుండా విచ్చేసి మీ చప్పట్లు, చీవాట్లు నిర్మొహమాటంగా అందించమని కోరుకుంటున్నాను.


మీ 
శంకర్ 






Wednesday, December 30, 2009

మహారాజశ్రీ మూర్ఖ రాజకీయవాదులకు............ఇట్లు, మీ చేష్టలకు తిక్కరేగిన సామాన్య ఓటరు


మహారాజశ్రీ మూర్ఖ రాజకీయవాదులకు,


మొన్న బందు....నిన్న బందు.....నేడు బందు.....రేపు బందు...
అనుకున్నది జరగకపోతే బందు... అనుకున్నట్టు జరగకపోయినా బందు 


అసలేమనుకుంటున్నారు మీరు? ప్రతి చిన్న విషయానికి...చీటికి మాటికీ అదేదో దేశరక్షణకు పిలుపు నిచ్చినట్టు బందుకు పిలుపునిస్తున్నాం అంటారు? ఎవరి గురించి చేస్తున్నారు ఈ బందులు? పోనీ ఈ బందుల వలన సామాన్య ప్రజలకు ఒరిగేదేమయినా ఉందా అంటే అదీ లేదు. పొట్ట కూటికోసం వ్యాపారాలు చేసుకునే చిన్న చిన్న వ్యాపారులు, చిరుద్యోగులు, చదువు సాగుతుందో లేదో తెలియక ఆందోళనలో విద్యార్ధులు...గృహిణులు, చిన్నారులు, వృద్ధులు ఒక్కరేంటి ప్రతివారూ ఈ బందుల వలన ఇబ్బందులు పడేవాళ్ళే. మరి ఎవర్ని ఉద్ధరించడానికి ఈ బందులు?


బందు అనేది స్వచ్చందంగా జరగాలి తప్ప ఈ నిర్భంద బందుల వలన ప్రజలు ఎన్ని అవస్థలు పడుతున్నారో మీలో ఎవరికయినా పట్టిందా? మొన్నామధ్య ఎక్కడో చదివాను బెంగాల్లో ఈ బందులు సర్వ సాధారణమట. సంవత్సరానికి కనీసం ఒక నలభయి, యాభయి రోజులు ఏదో కారణంతో బందులు తప్పనిసరట. అక్కడ కొన్ని గంటల నుంచి రెండు రోజుల వరకు బందు జరిగిన సందర్భాలున్నాయట. ఈ లెక్కన మీరు వాళ్ళనీ మించిపోయారు.ఏకంగా డెబ్భై రెండు గంటల బందుకు బిజెపి రెడీ అయిపోయింది (అదృష్ట వశాత్తూ అది ఆచరణ లోకి రాలేదు). ఇక తెరాస నాయకుడు ఒకరు వీరావేశంగా నిరవధిక బందు చేస్తామని హెచ్చరించారు. నిరవధిక అంటే ఎప్పటిదాకా చేస్తారు? జనాల ఓపిక నశించి మీ రాజకీయ భవిష్యత్తు ను సమూలంగా బందు చేసేదాకానా? అలా చేయండి బాబూ మీకు పుణ్యం ఉంటుంది. 


మహానుభావా మీకు అంత బందు చేయాలని ఉబలాటంగా ఉంటే చెత్త రాజకీయాలు, వారసత్వ రాజకీయాలు, అవినీతి, బంధు ప్రీతి లాంటివి బందు చేస్తామని పిలుపునివ్వండి....ఏళ్ల తరబడి స్వచ్చందంగా పాల్గోడానికయినా మేమంతా సిద్ధం. 


ఇకనుండయినా ప్రజల ఇబ్బందులు పట్టించుకోకుండా మీకు నచ్చినప్పుడల్లా బందు ప్రకటిస్తే మీలాంటి మూర్ఖ రాజకీయవాదుల ఆటలను నిస్సంకోచంగా బందు చేయడానికి వెనుకాడమని సవినయంగా హెచ్చరిస్తున్నాము. మీ తలతిక్క బందుల గురించి ప్రజలు ఏమనుకుంటున్నారో ఈ పాట విని తెలుసుకోండి. ఇకనయినా బుద్ధి తెచ్చుకోండి. 


పాట లింకు ఇదిగో... విని సిగ్గు తెచ్చుకోండి :  అరెరెరెరె.............ఏందిరన్న ....


ఇట్లు 
మీ చేష్టలకు తిక్కరేగిన సామాన్య ఓటరు


(నా అభిప్రాయాలతో ఏకీభవించేవారు ఓ కామెంట్ తో నన్ను సపోర్ట్ చేయండి)


Thursday, December 24, 2009

ఆవిడ ఈ భూమ్మీద సంగీతం ప్రాక్టీసు చేసుకోడానికి వచ్చిన సరస్వతీ దేవి...

నాకు బాపు గీతన్నా, రమణ రాతన్నా ఎంతిష్టమో ఎమ్మెస్ సుబ్బలక్ష్మి గొంతన్నా అంతే ఇష్టం. భుజాల మీదకు కప్పుకున్న పట్టు చీరతో, నుదుట పెద్ద బొట్టుతో, ముక్కుపుడకతో, కళ్ళల్లో దైవత్వంతో, గొంతులో లాలిత్యంతో నాకు ఆవిడ ఈ భూమ్మీద సంగీతం ప్రాక్టీసు చేసుకోడానికి వచ్చిన సరస్వతీ దేవిలా అనిపిస్తుంది. అది భజ గోవిందం అయినా, హనుమాన్ చాలీసా అయినా, అన్నమయ్య కీర్తనైనా, మీరా భజనైనా ఆవిడ గొంతులోంచి వస్తే ఆ ఫీలే వేరు. అది అమ్మ చేతి గోరుముద్దంత కమ్మగా ఉంటుంది. 


ఇక విషయానికి వస్తే...నిన్న సడన్ గా నాకెందుకో ఆవిడ నటించి, పాడిన మీరా (హిందీ సినిమా) లోని "గిరిధర గోపాలా బాలా" పాట గుర్తొచ్చింది. ఎప్పుడో చిన్నప్పుడు దూరదర్శన్ లో (నాకు అప్పుడు ఓ పది పన్నెండు ఏళ్ళు ఉంటాయేమో) ఆ సినిమా వస్తుంటే మా అమ్మగారు ఆ సినిమాలో ఎమ్మెస్ సుబ్బలక్ష్మి ని చూపించి ఆవిడే మనింట్లో ఉన్న భజగోవిందం క్యాసెట్లో పాడింది అని చెప్పారు. అప్పుడు నాకు ఆవిడ గొప్పతనం తెలియదు గానీ  ఆ పాట పాడుతున్నప్పుడు ఆవిడ మొహం లో కనిపించిన ప్రశాంతత నాకు భలే నచ్చింది. అలా ఆ పాట నా జ్ఞాపకాల్లో ఒక భాగమై మళ్ళీ ఇన్నాళ్ళకు సడన్ గా గుర్తొచ్చింది. సరే నెట్ లో వెతికితే పోలా...అనుకుని యూట్యూబ్ మీద పడ్డా. నా అదృష్టం ఆ పాటతో పాటు ఆ సినిమాలో ఎమ్మెస్ సుబ్బలక్ష్మిని సరోజినీ నాయుడు ఉత్తరాది ప్రేక్షకులకు పరిచయం చేస్తున్న సీన్ కూడా దొరికింది. నిజానికి ఆ సీన్ లో ఎవరిది అదృష్టం అనాలో తెలీదు. ఎమ్మెస్ లాంటి సంగీత సామ్రాజ్ఞి ని పరిచయం చేసే అవకాశం దక్కిన సరోజినీ నాయుడిదా?  లేక పొతే నైటింగేల్ ఆఫ్ ఇండియా చే పరిచయం చేయించుకోబడ్డ ఎమ్మెస్ సుబ్బలక్ష్మిదా? సర్లెండి ఇద్దరూ ఇద్దరే కదా. అలాంటి వాళ్ళని ఒకేసారి చూసిన మనదీ ఆ అదృష్టం...సరేనా. ఆ రెండు క్లిప్ లు మీకోసం ఇక్కడ ఇస్తున్నాను. డౌన్లోడ్ చేస్కుని అపురూపంగా దాచుకోండి. నచ్చితే ఓ కామెంట్ తో భుజం తట్టండి.


బహుశా నెట్ లో పెట్టిన వ్యక్తి కూడా దూరదర్శన్ లో వస్తున్నప్పుడే రికార్డ్ చేసుంటారు, "గిరిధర గోపాలా" పాటలో  'దిస్ పార్ట్ ఆఫ్ ద ఫీచర్ ఫిలిం వాస్ స్పాన్సర్డ్ బై నిర్మా' అని కూడా కనిపిస్తుంది. ఇంకో విషయం ఈ పాటలో ఎమ్మెస్ సుబ్బలక్ష్మి పక్కన మహారాజు వేషంలో నిలబడ్డ నటుడెవరో గుర్తుపట్టండి చూద్దాం. ఇక ఈ సినిమాకి ప్రొడ్యూసర్  టి. సదాశివం (అంటే ఎవరో అనుకునేరు...ఆయన మిస్టర్ సుబ్బలక్ష్మి గారు)

Wednesday, December 23, 2009

బాబూ కె.సి.ఆర్...తప్పమ్మా అలా అనకూడదు...ఇంద ఈ గిఫ్టులు తీసుకో...

బాబూ కె.సి.ఆర్,

తప్పమ్మా అలా అనకూడదు. హైదరాబాద్ నాది అన్నవాడి నాలుక కోస్తా అన్నావు. ఒక్క కోస్తావాడి నాలుకే కాదు బాబు ఈ స్టేట్ లో ప్రతి ప్రాంతం వాడి నాలుకా హైదరాబాద్ నాది అనే అంటుంది. ఒక్క హైదరాబాద్ అనే ఏంటి? ఈ రాష్ట్రము, దేశము నాదే అనుకోడం తప్పుకాదు నాయనా. దేశం లో అన్ని ప్రాంతాలు అందరివీ అని మన రాజ్యాంగమే చెప్పింది...వద్దనడానికి నువ్వెవరు?  అయినా గౌరవనీయ పార్లమెంటు సభ్యుడివై ఉండి ఇలాంటి సంస్కారం లేని మాటలు మాట్లాడేందుకు నీకు సిగ్గుగాలేదా? మునుపోసారి బూతుమాటలకు అర్ధం వివరించి రాష్ట్రం లో పిల్లలని చెడగొట్టావు. ఇప్పుడు మళ్ళీ నాలుక కోస్తా, పీకలు కోస్తా అని వాళ్లకి కొత్త కొత్త మాటలు నేర్పకు (ఇలా ఎందుకు చెప్తున్నానంటే రేపు పొద్దున్న నీ మనవలు వాళ్ళల్లో వాళ్ళు కొట్టుకుంటూ "ఈ బొమ్మ నాది అని ఎవరయినా అంటే వాళ్ళ నాలుక కోస్తా' అని మీ ముందే చెప్పారనుకోండి మీ పరిస్థితి ఏంటి?).  అయినా తెలంగాణా మీద నీకున్న ప్రేమ చూస్తే ముచ్చటేస్తోంది....నల్గొండ ఫ్లోరైడ్ బాధితుల కష్టాలు చూసి కళ్ళల్లో నీళ్ళు తిరిగాయి అన్నావు, మరి శాసనసభ్యుడిగా, లోక్ సభ సభ్యుడిగా, కేంద్ర మంత్రిగా వాళ్ళ కోసం ఏనాడైనా ఏమైనా చేశావా? ఇప్పుడు నీళ్ళు తిరుగుతున్నాయి అన్నావు....ఇప్పటిదాకా ఆ కళ్ళు మూసుకుపోయాయా బాబూ? పోనీ నల్గొండ వదిలేయి నిన్ను ఎన్నుకున్న నియోజక వర్గాల ప్రజలకైనా ఏదైనా చేశావా? ఎంత సేపూ వాళ్ళు ఏమీ చేయలేదు, వీళ్ళు ఏమీ చేయలేదు అంటావే తప్ప అసలు తెలంగాణా కు నువ్వేమీ చేయలేదన్న విషయం చెప్పవా?  ఏ నాడైనా పార్లమెంటులో ఏ సమస్య గురించయినా చర్చించావా? ఇక హైదరాబాద్ లో నువ్వు కట్టించిన ఏకైక  పెద్ద కట్టడం తెలంగాణా భవన్ (అది కూడా విరాళాలతో). పాపం ఆ మోహన్ బాబే నయం వరదల్లో నష్టపోయిన రాజోలి గ్రామాన్ని దత్తత తీసుకున్నాడు. నువ్వు అదీ చేయలేదుగా. ఈ మాత్రానికే ఇంతలా ఎగరాలా? నువ్వు మంచి చదువరి అని అందరికీ తెలుసు (మన బ్లాగ్మిత్రుడు "చదువరి" కాదని మనవి) . నీకు వచ్చిన భాష తో నీ కార్యకర్తల్ని ఉత్సాహపరచు తప్పులేదు. అంతేకాని వాళ్ళని రెచ్చగొట్టకు. ఇంక నువ్వు ఉపయోగించే భాషే తెలంగాణా భాష అని నువ్వు అనుకుంటే పాపం సి.నా.రే లాంటి వాళ్ళు నీ దగ్గర చాలా నేర్చుకోవాలన్న మాట . నరుకుతా, పొడుస్తా , చంపుతా అనడమే తెలంగాణా సంస్కృతి అని దేశంలో మిగిలిన ప్రాంతాల వాళ్లకి నువ్వు చెప్పదలచుకున్నట్టు ఉంది. కాస్త పద్దతి మార్చుకో. ఇది నువ్వు వలస వచ్చిన తెలంగాణా ప్రాంతం వాళ్ళ సంస్కృతీ కాదు, నీ పూర్వీకుల విజయనగరం జిల్లా సంస్కృతీ కాదు.


ఇంక హైదరాబాద్ గురించి నువ్వు ఎవర్నీ మాట్లాడవద్దన్నావు. సరదాగా ఈ పాటలు విను. నీకు ఇవి ఒక సమైక్యవాది పంపుతున్న బహుమతిగా భావించి స్వీకరించు. చివరిగా నాదొక సలహా "ఎందుకైనా మంచిది కాస్త బి.పి. చెక్ చేయించుకో."


రిమ్ జిమ్ రిమ్ జిమ్ హైదరాబాద్

చల్ చల్ రే హైదరాబాదీ


(పైన లింకుల మీద క్లిక్ చేసి పాటలు విను. ఇంకెప్పుడూ హైదరాబాద్ నీ ఒక్కడిదే అనకు నాయనా! )

Tuesday, December 22, 2009

మీ అభిమానం, ఆత్రుత , ఆందోళన తగలడా!!!.....అసలా విషయం ఎవరూ ఆలోచించరేం?

ఎప్పటిలాగే ఈ పోస్ట్ ఇమేజ్ ఫార్మాట్ లో ఇస్తున్నాను. క్లిక్ చేస్తే వేరే పేజి లో ఓపెన్ అవుతుంది. చదివేసి వదిలేయకుండా కుసింత ఆలోచించండి. అలాంటి వారిలో ఏ ఒక్కరైనా మీకు తెలిసిన వాళ్ళుంటే వాళ్ళలో ఆలోచనకు బీజం వేయండి. 


ఘంటసాల పుష్ప విలాపం - విని చెప్పండి ఎలా ఉందో...

ఎప్పుడు విన్నా మనసును కదిలించే కరుణశ్రీ జంధ్యాల పాపయ్య శాస్త్రి గారి పుష్పవిలాపం ఘంటసాల గొంతులో వినడమంటే నాకు చాలా ఇష్టం. రాసింది పాపం కరుణశ్రీ అయినా ఇది ఘంటసాల గొంతులో నుంచి వచ్చి ఘంటసాల పుష్పవిలాపం గా ఫేమస్ అయిపోయిందంటే ఏ స్థాయిలో ఆయన ఈ రచనకు న్యాయం చేయగలిగాడో ఊహించుకోవచ్చు. పూర్తిగా విన్న తరువాత ఇంక ఏ పువ్వు ను చూసినా మీకు ఇదే గుర్తుకు వస్తుందని మాత్రం ఘంటాపధంగా చెప్పగలను. అలాంటి అరుదైన, అపురూపమైన ఆడియో క్లిప్ లను మీతో పంచుకోవాలనిపించింది. లింకులు కింద ఇస్తున్నా. క్లిక్ చేసి విని మైమరచిపోండి. నాకు కామెంట్ చేయడం మాత్రం మరచిపోకండి.
ఘంటసాల పుష్ప విలాపం - 1

ఘంటసాల పుష్ప విలాపం - 2

Monday, December 21, 2009

"ముందు బుక్సు, వెనుక బుక్సు...కుడి ఎడమల బుక్సేబుక్సు" - పుస్తక ప్రదర్శనకు నా మొదటి దండయాత్ర (ఈ ఏడాది)

ఈ పోస్ట్ ఇమేజ్ ఫార్మాట్ లో ఇస్తున్నాను. క్లిక్ చేస్తే వేరే పేజి లో ఓపెన్ అవుతుంది. అర్జంటుగా చదివేసి...మీ అభిప్రాయాలు చెప్పేయండి! 




























Saturday, December 19, 2009

పాపం పసివాడు...ప్రభుత్వ కుట్ర...హన్నన్నా !

ఈ పోస్ట్ ఇమేజ్ ఫార్మాట్ లో అందించాను. చదవడం ఇబ్బందిగా ఉంటే పోస్ట్ మీద క్లిక్ చేస్తే వేరే పేజి లో ఓపెన్ అవుతుంది. 




Thursday, December 17, 2009

'నిదురించే తోటలోకి పాట ఒకటి వచ్చింది' కి సమైక్య వాది పేరడీ (గుంటూరు శేషేంద్ర శర్మ, మన "బాపు" లకు క్షమార్పణలతో)

"నిదురించే తోటలోకి పాట ఒకటి వచ్చింది" ఇది నాకు చాలా చాలా చాలా ఇష్టమైన పాట. తెలుగు వాళ్ళు గర్వించదగ్గ గొప్ప కవి శ్రీ గుంటూరు శేషేంద్ర శర్మ గారు రాసిన ఒకే ఒక్క సినిమా పాట ఇది. పాటలో ఫీల్ ను అలాగే తెరకెక్కించిన మన "బాపు" గురించి ప్రత్యేకంగా చెప్పాలా? అలాంటి ఆ పాటను ప్రస్తుతం ఉన్న పరిస్థితుల్లో సమైక్య వాది పేరడి గా పాడుకుంటే ఎలా ఉంటుందన్న ఊహతో ఇది రాయడం జరిగింది. ఇది ఎవర్నీ నొప్పించేందుకు కాదని మనవి. (గుంటూరు శేషేంద్ర శర్మ గారికి, మన బాపు కు క్షమార్పణలతో..)
మీ సదుపాయం కోసం ఆ పాట లింక్ ఇక్కడ ఇస్తున్నాను.  ఆ ట్యూన్ వింటూ ఇది చదవండి. బావుంటే ఓ కామెంట్ తో భుజం తట్టండి. మీకు నచ్చకపోయినా మొహమాటం లేకుండా ఆ ముక్క చెప్పేయండి.
నిదురించే తోటలోకి పాట ఒకటి వచ్చింది





Tuesday, December 15, 2009

Monday, December 14, 2009

గొప్ప ఫిలాసఫర్ మన గోళీసోడా

నా ఆలోచన నచ్చితే ఓ కామెంట్తో వెన్నుతట్టండి.





Sunday, December 13, 2009

మన తెలుగుకు రెండు వైపులా పదునే! అక్షరం మారితే ...అర్థం తారుమారు


తెనాలి రామలింగడి ఆమరణ దీక్ష.....థాంక్స్ టు ఘంటసాల

నిన్న రాత్రి తెనాలి రామలింగడు కలలోకొచ్చి  మా చెడ్డ గొడవ చేశేసాడు. "అసలేంటి నీ ఉద్దేశ్యం? "కాస్త ఇలా చాటుకొస్తారా' అని తెలుగు చాటు పద్యాల గురించి ౩ పార్టులు నీ బ్లాగ్ లో పెట్టావు బానే ఉంది. ఒక్క మాట, కనీసం ఒక్కమాటయినా నా గురించి చెప్పవా? పోనీ నేన్జెప్పిన ఏ ఒక్క పద్యమయినా అందులో ఉంచావా? అంటే అప్పటి మా విజయనగర సామ్రాజ్యం ఇప్పుడు కర్ణాటకలో ఉంది కాబట్టి నన్నొదిలేసి మీ స్టేట్ వాళ్లకి ప్రాముఖ్యం ఇచ్చావన్నమాట. పోనీ మా రాయలేలిన సీమేగా ... ఆ రాయలసీమ కోటాలో నాకూ ఓ మూల చోటిచ్చి ఉండచ్చుగా...ఇదే చెప్తున్నా..నువ్వు కనక నీ బ్లాగ్ లో నా గురించి ప్రత్యేక పోస్ట్ ఏర్పాటు చెయ్యకపోతే వెంటనే సెలైన్ పెట్టుకుని మరీ ఆమరణ నిరాహార దీక్ష చేపడతా ...ఇక వికటకవి చచ్చుడో ...వేరే పోస్ట్ ఇచ్చుడో తెలిపోవాలంతే' అని తన మార్కు సెటైర్ వదిలాడు. అసలే ఆమరణ దీక్షలంటే అదిరిపడే కాలం. అధిష్టానానికే తప్పలేదు ఆఫ్ట్రాల్ నేనెంత అనుకుని ఈ విషయంలో కాస్త హెల్ప్ చేసిపెట్టమని రీసెంట్ గా బర్త్ డే చేసుకున్న మన మహా గాయకుడు ఘంటసాల గారిని బ్రతిమాలుకోగా నా మీద జాలిపడి తెనాలి రామలింగడు సినిమాలో ఆయన పాడిన పద్యాలని ఇచ్చారు. బ్రతుకుజీవుడా అని అవి ఇక్కడ పోస్ట్ చేస్తున్నా.(సందర్భాలు కూడా ఉండటం వలన మరింత ఎంజాయ్ చేసే విధంగా ఉన్నాయి ఈ ఆడియో క్లిప్ప్..కింద ఇచ్చిన పద్యం లింక్ మీద క్లిక్ చేస్తే ఆడియో ప్లే అవుతుంది ). మీకు వీలయితే నేను ముందు చెప్పిన "కాస్త ఇలా చాటుకొస్తారా' పోస్ట్ మూడు పార్టులు నా బ్లాగ్ లో చదివి నేను ఏ ప్రాంతం వాళ్ళ పట్ల వివక్ష చూపలేదని తెనాలి రామలింగడికి చెప్పి కాస్త ఆ దీక్ష విరమింపజేద్దురూ! 


(రంజన చెడి పద్యం తర్వాత ఉన్న డైలాగ్ లలో ఉన్న పంచ్ నాకు భలే ఇష్టం)
ఇవన్నీ మీకు నచ్చితే నాకు చెప్పడం మాత్రం మర్చిపోకండి.....ఈ సినిమా చూడాలనిపిస్తే ఎలాగూ ఆదివారమే కదా చూసెయ్యండి ఓ పనయిపోతుంది.



మమ్మల్నిలా వదిలేస్తే ఉద్ధరించినంత పుణ్యం


Saturday, December 12, 2009

సమైక్య వాది - "రింగా రింగా' పేరడీ

ఈ మధ్య "రింగా రింగా' పాట ఎంత పాపులర్ అయిందో మీకందరికీ తెలుసు. ప్రస్తుతం ఉన్న పరిస్థితులలో ఒక సమైక్య వాది ఆ పాటను పేరడీ చేసి తన మనసులో భావాలు చెప్తే ఎలా ఉంటుందో ఊహించి చేసిన చిన్న ప్రయత్నం. ట్యూన్ కోసం ఒరిజినల్ ఆడియో సీడీ లో పాట లింక్ గా ఇస్తున్నాను. అది వింటూ ఇది చదువుకోండి. (లిరిక్స్ ఇమేజ్ ఫైల్ ఫార్మాట్ లో ఇచ్చాను, క్లిక్ చేస్తే వేరే పేజి లో ఓపెన్ అవుతుంది కాబట్టి జూమ్ చేసి చదువుకోవచ్చు)
RINGA RINGA SONG





























Friday, December 11, 2009

అసలు ఆర్టీసీ అంటే అర్ధం తెలుసా! అందుకే ఇంత అలుసా?


కాస్త ఇలా 'చాటు'కొస్తారా.....3


నేరం నాది కాదు..కెమేరాది

మన హుస్సేన్ సాగర్ లో బోట్లో వెళ్తుంటే యాదృచ్చికంగా కుదిరిన ఫోటో ఇది. మీ కామెంట్ల కోసం వెయ్యిన్నొక్క కళ్ళతో ఎదురుచూస్తూ ఉంటాను (వెయ్యి నావి ...ఒకటి నా కెమేరాది)





నాదో చిన్న సందేహం..తెలిస్తే కాస్త చెబ్దురూ!


నాక్కోపం వచ్చేసిందంతే...హన్నా!


Tuesday, December 8, 2009

ఉలిదెబ్బలు పడకుండా ఏ రాయీ శిల్పమవదు...

మీ సదుపాయం కోసం ఈ పోస్ట్ ఇమేజ్ ఫార్మాట్ లో ఇవ్వడం జరిగింది. క్లిక్ చేస్తే పక్క పేజి లో ఓపెన్ అవుతుంది. నా ప్రయత్నం మీకు నచ్చితే ఓ కామెంట్ తో భుజం తట్టడం మర్చిపోకండి. నా ప్రయత్నం లో లోపాలేమయినా ఉంటే తగు సూచనలందిస్తే సరిదిద్దుకుంటాను.





ఏమయిపోయింది ఆ ఉత్తరం?

మీ సదుపాయం కోసం ఈ పోస్ట్ ఇమేజ్ ఫార్మాట్ లో అందిస్తున్నాను. క్లిక్ చేస్తే పక్క పేజి లో ఓపెన్ అవుతుంది.




నా ఈ ప్రయత్నం నచ్చితే ఓ కామెంట్ తో భుజం తట్టండి.

నచ్చిందా? లేదా?

టివీల్లో వచ్చే స్క్రోల్లింగులు మనందరం చూస్తూనే ఉంటాం. ఈమధ్య మరిన్ని యాడ్ డబ్బులకోసం మొదట్లో ఒక్కటే ఉండే ఆ స్క్రోల్స్ ఇప్పుడు మూడు దాకా పెరిగాయి. (ఒక్కోసారి అంతకన్నా ఎక్కువే అనుకోండి). ఈ సందర్భంలో ఒకదాని కింద ఒకటి ఉండే ఆ స్క్రోల్స్ లో ఉండే రెండు విభిన్న వార్తల్ని కలిపి చదివితే ఎలా ఉంటుందో మచ్చుకో పది చూడండి . ఈ ప్రయత్నం మీకు నచ్చితే ఓ కామెంట్ తో భుజం తట్టండి.


నేడే శిల్పా శెట్టి వివాహం 
ఆమరణదీక్ష ప్రకటించిన కెసిఆర్ 


ప్రధాని రాష్ట్ర పర్యటన 
ఎట్టిపరిస్థితుల్లోను కుదరదని తేల్చేసిన రోశయ్య 


చంద్రయాన్ 2 ప్రకటించిన ఇస్రో 
ఆర్టీసీ కార్మికుల సమ్మె


సచిన్ సెంచరీ
మనస్తాపం చెందిన కొండా సురేఖ 


మన్మోహన్ కు ఒబామా విందు 
విషాహారం తో నలుగురి మృతి 


విద్యార్ధులపై పోలిసుల జులుం
హర్షం ప్రకటించిన ప్రతిపక్షాలు


సెహ్వాగ్ వీరవిహారం 
నెల్లూరులో అగ్నిప్రమాదం 


అప్పులబాధకు కుటుంబం ఆత్మహత్య 
స్టేట్ బ్యాంకు లోన్ మేళా


ముక్కుపచ్చలారని బాలికపై అత్యాచారం 
ఘనంగా బాల దినోత్సవం 


నూతన డిజిపి బాధ్యతల స్వీకారం 
నగరంలో పెరిగిన చోరీలు 







ఇంక చాలు...ఇకనైనా మారండి

మీ సదుపాయం కోసం ఈ పోస్ట్ ఇమేజ్ ఫార్మాట్ లో ఇస్తున్నాను. క్లిక్ చేస్తే వేరే పేజి లో ఓపెన్ అవుతుంది 




అమ్మో నేనూ కవినైపోయా!!!! (శభాష్ శభాష్ )


Monday, December 7, 2009

ఏవో పిచ్చి రాతలంతే!


మహాకవుల తెలం"గానం"

తెలుగు సాహితీ దిగ్గజాలు ఇప్పుడు బ్రతికుంటే రగులుతున్న తెలంగాణ పట్ల ఎలా స్పందిస్తారోనన్న చిన్న ఊహ. ఛందస్సు పట్టింపులు లేకుండా చదవండి.

మీ సదుపాయం కోసం ఈ పోస్ట్ ఇమేజ్ ఫార్మాట్ లో అందిస్తున్నాను. క్లిక్ చేస్తే వేరే పక్క పేజి లో ఓపెన్ అవుతుంది.


తల్లిని కన్న బిడ్డలు

మీ సదుపాయం కోసం ఈ పోస్ట్ ఇమేజ్ ఫార్మాట్ లో అందిస్తున్నాను. క్లిక్ చేస్తే వేరే పేజీలో ఓపెన్ అవుతుంది. 



Friday, December 4, 2009

ఘంటసాల హ్యాపీ బర్త్ డే

అన్నట్టు మర్చేపోయాను ఈ వేళ గొప్పెష్ట్టు సింగర్ మన ఘంటసాల గారి హ్యాపీ బర్త్ డే! అంచేత కుసింత వెరైటీగా ఉండాలని ఆయన పాడిన మొదటి సినిమా పాట (స్వర్గ సీమ సినిమాలో భానుమతితో డ్యూయట్), ఆల్ ఇండియా రేడియో కి ఆయనిచ్చిన చివరి ఇంటర్వ్యూ మీకు వినిపిద్దామనిపించింది (శభాష్ శభాష్). 


బ్లాగ్ చూసి కామెంట్స్ చేయకుండా వెళితే వచ్చే జన్మలో దూరదర్శన్ యాంకర్ గా పుడతారు ........ఇదే నా శాపం.

GHANTASALA'S FIRST SONG FROM SWARGA SEEMA -A DUET WITH BHANUMATI



LAST INTERVIEW



పల్నాటి పా ఫోటో

పల్నాటి పా స్టొరీ మీకందరికీ నచ్చిందని అనుకుంటున్నా. ఈ సినిమాలో బాలకృష్ణ గెటప్ ఇలా ఉంటుందన్నమాట.


(అడగంగానే చేసి ఇచ్చిన నా ఫ్రెండ్ శ్రీకాంత్ కి బోల్డన్ని థాంకులు)


వీను(ణ)ల విందు...

వీణ వినడానికి చాలా బావుంటుంది కదా! చాలా low volume  లో వింటూంటే భలే ఉంటుంది. ఒక్క వీణే అలా అనిపిస్తే ఒక్కసారిగా 50 వీణలతో orchestra చేస్తే ..................దీన్నే పూరి జగన్నాధ్  మాటల్లో చెప్పాలంటే "దిమ్మ తిరిగి మైండ్ బ్లాక్ అయిపోవడం' అనచ్చేమో. famous  వీణ విద్వాంసుడు చిట్టిబాబు చేసిన  "టెంపుల్ బెల్స్" ఆల్బం (ఎప్పటినుంచో వెతుకుతుంటే ఇన్నాళ్ళకి దొరికింది) మీకోసం పోస్ట్ చేస్తున్నా. ఇది వింటూ కళ్ళుమూసుకుని ఏ 12-13   శతాబ్దంనాటి గుడిలోనో సాయంత్రం చల్లగాలిలో  మెల్లిగా నడుస్తున్నట్టు ఊహించుకోండి. కళ్ళు తెరిచాక కొత్త ఎనర్జీ వచ్చినట్టు అనిపిస్తుంది. (ఏమో నాకైతే అలా అనిపించింది మరి ) . ట్రై చేసి చూడండి.


(కామెంట్స్ పోస్ట్ చేయడం మర్చిపోకండి)







TEMPLE BELLS 1



TEMPLE BELLS 2



TEMPLE BELLS 3



TEMPLE BELLS 4



TEMPLE BELLS 5



TEMPLE BELLS 6



TEMPLE BELLS 7



TEMPLE BELLS 8



TEMPLE BELLS 9



TEMPLE BELLS 10



TEMPLE BELLS 11



TEMPLE BELLS 12