Wednesday, February 23, 2011

వేర్పాటువాద వ్రత కల్పం


ఒక నాడు తెలంగాణా భవన్ మేడ మీద మందు కొడుతున్న కచరా (తెలంగాణా  రాష్ట్ర సమితిని తె.రా.స. అన్నప్పుడు కల్వకుంట్ల చంద్రశేఖర రావు ను కచరా అని ఎందుకు పిలవకూడదు అనిపించి హిందీలో "కచరా" అంటే "చెత్త" అని తెలిసి కూడా :) ఇలా పిలిచా) వద్దకు ఆయన కుమారుడైన కేటిఆర్ వచ్చి తండ్రీ ఏ వ్రతము చేసినంత పది తరముల వరకు తిన్నా తరగని ఆస్తిపాస్తులు, పదవులు సమకూరునని అడుగగా అంతట కెసిఆర్ కుమారుడి దురాశకు మిక్కిలి సంతసించి మందు గ్లాస్ పక్కన పెట్టి, బిడ్డా తరముల పాటు తిన్నా తరగని ఆస్తిపాస్తులు ఆర్జించుటకు "వేర్పాటు వాద వ్రతము" అను వ్రతము కలదు. ఈ వ్రతమును అత్యంత ఓపికగా పది వత్సరాలు ఆచరించిన పదవులు,సంపదలు వెల్లువలా వచ్చి పడునని చెప్పెను. అంతట ఆ వ్రత విధానమును తెలియజేయమని కేటిఆర్ కోరగా కెసిఆర్ ఇట్లు సెలవిచ్చెను. ముందుగా ఈ వ్రతము ఆచరించుటకు మనము ఏ పార్టీలో ఉన్నామో ఆ పార్టీ నుండి బయటకు వచ్చుటకు ఒక కారణమును వెతుకవలెను ఆపై మనము ఉన్న ప్రాంతము ప్రత్యేక రాష్ట్రముగా కావలెను అన్న నినాదముతో క్రొత్త పార్టీ పెట్టవలెను. మనము బ్రతుకవలేనన్న ఇతర ప్రాంతముల వారిని వెధవలుగా చూపవలెనన్న సూత్రమును పాటించి మనము ఉన్న ప్రాంతము తప్ప మిగిలిన ప్రాంతముల వారు మనను దోచుకోనుచున్నారని, మనము ప్రత్యేక రాష్ట్రం గా విడిపోతే మనకసలు కష్టాలే ఉండవని అరచేతిలో స్వర్గం చూపుతూ, వీర లెవెల్లో ప్రజలను రెచ్చగొట్టే విధంగా విచ్చలవిడి బూతులతో ఇతర ప్రాంతాల వారిని, మన ప్రాంతం లో మన ప్రత్యర్ధులను తిడుతూ ఇదే మన ప్రాంత సంస్కృతి, సంప్రదాయమని నుడవవలెను. ఈ క్రమంలోనే మన ప్రాంతానికి ఒక తల్లిని పుట్టించవలెను.. ఈ విధంగా చెప్పగా చెప్పగా ప్రజలలో క్రమేపీ ప్రత్యేక రాష్ట్ర వాంఛ పెరుగును. ఒక్క సారి ఆ వాంఛ తీవ్ర స్థాయికి చేరిన పిదప వారికి మనము తప్ప వేరెవరూ దిక్కు లేరని నమ్మిస్తూ  ప్రత్యేక రాష్ట్రమొచ్చిన అనంతరం పదవ తరగతి అర్హత తోనే కలెక్టర్లను చేయుదమని, పెట్రోలు లీటరు పది పైసలకే ఇస్తామని, ప్రతి ఇంటికి నెలకు వంద కిలోల బియ్యము ఉచితమని, ఉద్యోగులు చచ్చే వరకు పదవీ విరమణ ఉండదని, ఒక్క రూపాయకే ఏడాదికి సరిపడా పప్పులు, ఉప్పులు, కూరగాయలు సరఫరా చేస్తామని, "పన్ను" అన్న మాట మన రాష్ట్రం లో వినబడకుండా నిషేదిస్తామని ఇలా నోటికొచ్చిన వాగ్దానాలు చేయవలెను. ఎన్నికైన మన పార్టీ శాసన సభ్యులు, పార్లమెంట్ సభ్యులు (మనం తప్ప) ప్రతి రెండు నెలలకు ఒకసారి రాజీనామా చేసి ఉప ఎన్నికలను తెచ్చునట్లు చూసుకొనవలెను. సదరు పదవులు మన పార్టీ చేజారకుండా ఉప ఎన్నికలలో మనపై పోటీ చేయదలచిన వారిని మన ప్రాంత ద్రోహులుగా ప్రచారము చేయవలెను, తద్వారా సెంటి మంట రగిల్చి చలి కాచుకోవలెను. మనకు నచ్చినప్పుడు బందులు ప్రకటించవలెను. అవసరాన్ని బట్టి, అవకాశాన్ని బట్టి శత్రువులను, మిత్రులను ఎప్పటికప్పుడు మార్చుకుంటూ..మనను ప్రశ్చించిన వారిని ద్రోహులుగా ముద్ర వేస్తూ ఉద్యమమును ఉధృతంగా నడుపవలెను. మన ప్రాంతం లో సినిమా షూటింగ్ నుండి పరిశ్రమ స్థాపన వరకు, గృహప్రవేశం నుండీ బడ్డీకొట్టు ప్రారంభం వరకూ మనకు మామూళ్ళు ఇచ్చిన తరువాతే జరిగే విధంగా చూడమని మన కార్యకర్తలకు చెప్పవలెను. ఇక అసెంబ్లీ లో తోటి సభ్యులను దూషిస్తూ, సందు దొరికితే వారిపై చేయి చేసుకోవలెను, వారిని తెలంగాణా ద్రోహిగా చిత్రించి మన చర్యను సమర్ధించుకోవలెను. ఇక మరొక ముఖ్యమైన విషయమేమన్న పొరపాటున కూడా మనంతట మనం పార్లమెంట్ లో ఈ అంశాన్ని లేవనేత్తరాదు. అటుల ఈ ప్రత్యేక వాదమును నిరంతర రావణ కాష్టం వలె రగిలిస్తూ మన పబ్బం గడుపుకోవలెను.ఈ విధంగా కఠోర వేర్పాటు వాద వ్రతము సలుపు క్రమంలో చందాలు, వసూళ్లు, ముడుపులు, టికెట్ల అమ్మకాలు, కేంద్రం నుంచి వచ్చే తాయిలాల రూపంలో వద్దంటే డబ్బు మరియు కోరిన పదవులు వరించగలవు అని తెలియజేసెను. పూర్వము ఆంధ్ర రాష్ట్రములో ఈ వ్రతమును చెన్నారెడ్డి చేసి ముఖ్యమంత్రి పదవిని, ప్రస్తుతం నేను చేయుచూ కోట్లాది ఆస్తి మరియు కేంద్ర పదవులను పొందాము. ఇదే వ్రతమును పంజాబులో ఖలిస్తాన్ పేరిట జరిగి విఫలమయిన చరిత్ర కలదు.  వేర్పాటు వాద వ్రతములో పాటించవలసిన ముఖ్య నియమం ఎట్టి పరిస్థితిలోనూ మన వాదన ఫలించి ప్రత్యేక రాష్ట్రం రానీయరాదు. అటుల తెచ్చుకున్న జార్ఖండ్, చత్తీస్ ఘడ్, ఉత్తరాంచల్ లలో ఏ మేరకు అభివృద్ధి జరిగినదో జనులెల్లరకూ విదితమే. ప్రజలకు వాస్తవం కళ్ళముందుకు వచ్చే ప్రమాదమున్నందున అట్టి పొరపాటు మనం చేయరాదు. జార్ఖండ్ ముక్తి మోర్చా పేరుతో మనవలే ప్రత్యేక వాదము వినిపించి  అధికారము చేజిక్కించుకున్న శిబు సోరెన్ అను వ్యక్తీ ఏ విధముగా అధః పాతాళమునకేగెనో గుర్తించి అత్యంత జాగరూకులై ఉద్యమము విజయవంతము కాకుండా చూడవలెను. 

అంతట కేటిఆర్ "తండ్రీ ఒక వేళ మన గ్రహచారం బాలేక ప్రత్యేక వాదం ఫలించి తెలంగాణా రాష్ట్రం ఏర్పడిన అప్పుడేమి చేయవలె?" అని ప్రశ్నించగా చిద్విలాసముతో కెసిఆర్ "కుమారా అపుడు ఒక సంవత్సరం వేచి ఆపై ప్రత్యేక ఉత్తర తెలంగాణా లేదా దక్షిణ తెలంగాణా వాదము అందుకున్న చాలు" అని నుడివెను. 

తండ్రి సమాధానమునకు మిక్కిలి సంతుష్టుడైన కేటిఆర్ ఆ విధం గా తండ్రి బాటను నడువసాగెను.

ఫలశ్రుతి: ఈ వ్రత కధను బ్లాగులో చదివిన వారు, కామెంటిన వారికి జీవితమున వేరుపడు బాధలుండవు అని ఈ బ్లాగ్రచయిత శంకర ఉవాచ.

63 comments:

asha said...

వావ్! చాలా బాగా వ్రాశారు. సరదాకని కాదు గాని, వీళ్ళ వాగ్దానాలన్నీ ఫలించకపోతే వీళ్ళ ఆస్తులు పూర్తిగా జనానికే ఇచ్చేస్తామని ప్రకటించి...అంటే అలాంటి ఒక ఒప్పందాన్ని కాగితం పైన పెట్టి ప్రత్యేక రాష్ట్రం అడిగినా చాలు. లేకపోతే భయంకరంగా దోచుకుంటారేమో భయంగా ఉంది.

Anonymous said...

నీ తాపత్రయము నచ్చినాదిగానీ శంకరా!
ప్రత్యేక తెలంగాణా అనేదానికి (ఇక్కడి ప్రజల కోరిక) వేర్పాటువాదమని ఒక పేరెట్టి, దాన్ని తీవ్రవాదంతో పోల్చి రక్షసానందాన్ని అనుభవించే కుహనా సమైఖ్య వాదులకందరికీ చెప్పు: ఈ ఉద్యమం మొదలయ్యేనాటికి కేసీఆర్ అనేటోడు పుట్టలేదనీ, ఉద్యమంలో ఆతనో నలుసు మాత్రమేననీ, రాష్ట్రం సాధించినంత మాత్రాన ఆయన్నెవడూ ముఖ్యమంత్రిని చేసి ఆయంకో, కొడుక్కో, అళ్ళునికో ముఖ్యమంత్రి పీఠాన్ని గుండు గుత్తాకు ఇవ్వడం లేదనీ, ఎందరో స్వార్ధపరులూ, నియంతలూ కాల గర్భంలో కలిసిపోయారనీ, సమైఖ్యంగా ఉండకా చేసుకున్నా ఒప్పందాల ఉల్లంఘన జరిగిన మాట వాస్థవమేననీ, అందువల్లనే ప్రత్యేక్ ఉద్యమం బలోపేతమైందనీ, కాకపోతే అంత మాత్రానికే రెండు ముక్కలు చేసే బదులు మరిన్ని రక్షణలిచ్చి (మరిన్ని ఉల్లంఘనలు జరిగినా ఫరవాలేదు, అప్పుడు మరో కృష్ణ కమిటీయో రామ కమిటీయఒ వస్తే రానీ:)అని) సమైఖ్యంగానే ఉంచాలని కృష్ణ కమిటీ కూడా చెప్పిందనీ, సిగ్గూ శరమూ, విజ్ఞతా విచక్షణా ఉండే వాడెవడైనా చరిత్రను క్షుణ్ణంగా పరిశీలిస్తే కారణాంతరాలు బోధపడతాయనీ కూడా చెప్పు నాయనా:)

Anonymous said...

@ఆశ
ఆహాః! అలాగా? అక్కడికి ఇప్పుడెవడూ దోచుకోవట్లేదన్నట్లు. కొత్తగా ఈ దోపిడీగాళ్ళే పుట్టుకొచ్చినట్లు భలే చెప్పారండీ:)

asha said...

ఇక్కడే చిరాకు పుడుతుందండి నాకు. ఇప్పుడందరూ దోచుకుంటున్నారు కాబట్టి వాళ్ళు దోచుకున్నా పర్వాలేదా? తెలంగాణ వచ్చిన తరువాత మీలాంటి వాళ్ళంతా ప్రజలకు న్యాయం చేసేలా చూస్తారా? లేక తెలంగాణ వచ్చినంతవరకే మీ మద్దతు తెలిపి ఊరుకుంటారా?

Krishna K said...

1970 నుండి కచరా గారు నిరుద్యోగి అయ్యేవరకూ, ఎంతమంది ఉద్యమం అంటూ చొక్కాలు చింపుకొన్నారో చెబుతారా రెడ్డి గారూ!!

"సిగ్గూ శరమూ, విజ్ఞతా విచక్షణా " గురించి కచరా కు కాల్మొక్కే తెలబానులు మాట్లాడటమా!! అకటా కలికాలము :)

Anonymous said...

:) @Krishna

Unknown said...

ippude physical attacks chestunnaru. cong,tdp politicians ne tiraganeeyadam ledu . ika state vasta raacharikame!! maro 10-15 yrs padutundi veella nundi vimukti ki . ee party vallu cheppe slogans vadili 'Marinta abhivriddikai Telangaana ' ante baaguntundi.

mee vratam one view , emina baagundi.

సుజాత వేల్పూరి said...

కచరా...! కేక

స్మైలీ పెట్టి వదిలేద్దామనుకున్నా కానీ కామెంట్ రాస్తే వేర్పడు బాధలుండవనే ఫలశ్రుతి రాశారు కదా మరి! వ్రతంలో ఏ పాయింటూ మిస్ కాకుండా (ప్రత్యేక రాష్ట్రమేర్పడితే అభివృద్ధి శూన్యమనే దానితో సహా) రాశారు. బెస్ట్ ఆఫ్ యువర్ టపాస్!

Aakasa Ramanna said...

Excellent!

Aakasa Ramanna said...
This comment has been removed by the author.
www.tollywoodtv.com said...

Meeru comedy ga raasinappatiki indulo vaasthavaalu maathram eppatiki kaadanalenivi.

Indian Minerva said...

:)

Bhardwaj Velamakanni said...

LOL :)))))))))))))

Anonymous said...

అద్భుతంగా రాసారు. తెలంగాణ ఉద్యమం వయసు 50 ఏళ్ళు అరవయ్యేళ్ళూ అంటూ లేని ముసలితనాన్ని మీదేసుకునేవాళ్ళకి నాదో ప్రశ్న. అంత లావునఉద్యమం విరగబడిపోతూ ఉంటే పాపం ! చెన్నారెడ్డి తన పార్టీని రద్దు చేసుకుని కాంగ్రెస్ లో చేరి ముఖ్యమంత్రి ఎలా అయ్యాడు ? వీర సమిక్యవాది అయిన ఎన్.టి.రామారావు తొలిప్రయత్నంలోనే 202 సీట్లు ఎలా గెల్చుకోగలిగాడు ? మళ్ళీ ఆయనే 1994 లో 223 సీట్లు ఎలా గెలుచుకున్నాడు ?

విశ్వామిత్ర said...

శంకర్ గారూ...ముగింపులో "ప్రతీ రోజూ ఈ కధను చదువుకొన్ని నెత్తిన అక్షింతలు వేసుకున్నవారికీ శని, తాలిబన్, పులకేసిల బాధలు ఉండవు అని చెప్పబడినది" అని ముగించాలి. సూపర్ పేరడీ!!

రక్తచరిత్ర said...

@krishna
//"సిగ్గూ శరమూ, విజ్ఞతా విచక్షణా " గురించి కచరా కు కాల్మొక్కే తెలబానులు మాట్లాడటమా!! అకటా కలికాలము :)//

Well said

Tejaswi said...

కచరా! మీది అద్భుతమైన డిస్కవరీ. 100% aptగా ఉంది ఈ acronym.

Tejaswi said...

ఇందాకటి కామెంట్, మీ పోస్ట్ లోని మొదటి వాక్యం చదవగానే రాసినది. ఇప్పుడే మొత్తం చదివాను. simply superb. ఇరగదీసేశారు.

Anonymous said...

తెలంగాణ డిమాండ్ అన్యాయమైనది, అనవసరమైనదీ అనుకునే మీ సొనియా తెలంగాణ ఇవ్వట్లేదని, ఎప్పటికీ ఇవ్వదని మీరనుకుంటే మీ అమాయకత్వాన్ని చూసి నవ్వుకుంటాం. ఎవరెంత ఎగిరినా మీ సొనియమ్మె బంగారు పల్లెంలో పెట్టి తెలంగాణ ఇస్తుంది - మీ కావూరి, చంద్ర బాబు, పయ్యావుల, చివరికి లగడపాటిల సాక్షిగా!! బాబు కొత్త పల్లవి అందుకోవడమే అందుకు షురువాదీ:) ఈ టపా చూ: http://dare2questionnow.blogspot.com/2011/02/blog-post_23.html
ఇప్పటిదాకా ఇష్యూని నాన్చడం వెనక వారి వారి పార్టీల స్వార్ధ ప్రయోజనాలున్నాయి తప్ప తెలంగాణా డిమాండ్ అసంబద్ధమనే కారణంతో కాదని విచక్షాణా జ్ఞాణం ఉన్న విద్యావంతులకెవరికైనా ఈపాటికే అర్ధమయ్యుండాలి. మీరన్నట్లు కేసీఆర్ అనేవాడు మీ దొంగ నాయా(ళ్ళ)కులకన్నా పెద్ద దొంగే అనుకున్నా అలాంటివాడే మీ ప్రాంతంలో ఉంటే మీరేం చేస్తారో మేమూ అదే చెయ్యలేమా? నిజంగా కేసీఆర్ సీయం కావాలనుకుంటే కాంగ్రేసులో కలిస్తే తప్ప కాలేడు. అలా కలిసిననాడు మళ్ళీ అక్కడ డిల్లీలో మీ సోనియమ్మ, ఇక్కడ మీ లగడపాటి, కావూరిల జాతిలో కలుస్తాడు. అంటే ఆయన మీ అందరిచేత పొగడబడుతున్న దివంగత మహానేత లాగానే తను తింటూ (మీ)వాళ్ళను మేపుతూ మరో మహా నేత అయినా కొమ్ములు ఇరవగలం, అలాకాదని విర్రవీగిన నాడు ప్రకృతే ఈయన పనికూడా చూసుకుంటుంది.
పోనీ, ఇవన్నీ ఎందుకు: ఎవరెం చెప్పినా మీరనుకున్నదే కరక్టనె మీరూ, మాదే కరక్టని మేమూ వాదిస్తూ పోతున్నాం కదా! మీరనేదే నిజమనుకుంటే, హైదరాబాద్ లో ఉన్న సగటు ఆంధ్రా పౌరులను మేము ఇబ్బందులకు గురి చేస్తున్నది నిజమే అనుకునేట్లయితే, ఒకవేళ మీరు కోరుతున్న కేంద్రపాలిత/ కామన్ కేపిటల్ ఇవేవీ లేకుండానే తెలంగాణాను గనుక ఇచ్చేస్తే (ఇవ్వదనే మీ నమ్మకాన్ని అలాగే ఉంచుకోండి, కానీ ఒకవేళ ఇచ్చేస్తేనే నా ఈ ప్రశ్న?) మీలో ఎంతమంది హైదరాబాద్‌ను వదిలేసి వెళతారు? ఈ టపాలో వీర వ్రాతలు వ్రాసినవారివరకుచెప్పండి. నాకు చెప్పకపోయినా మీకంటూ ఓ అంతరాత్మ ఉంటే దాని సాక్షిగా ఇప్పుడే ఓ ప్రతిజ్ఞ చేసెయ్యండి - అదేగనక జరిగితే ఈ తెలంగాణా వీరుల గడ్డమీద మేం ఉండబోమని"
చివరగా ఒక మాట. మీలాగే చదువుకున్న నేను నా బ్లాగులో కానీ, మరో చోట కానీ, మన్మోహన్, జైరాం రమేష్, జేపీ లాంటి ఒకరిద్దరు నాయకులు కాని సంఘసంస్కర్తలను తప్ప కేసీఆర్ తో సహా ఎవడ్నీ పొగడలేదనీ, ఆమాటకొస్తే రాజకీయ నాయకులందర్నీ అన్ని పార్టీలనూ అసహ్యించుకుంటాననీ గమనించగలరు. కానీ, తెలంగాణా కావాలనుకోడానికీ కుహనా నాయకులకు మద్దతివ్వడానికీ చాలా వ్యత్యాసముంది. ఆంధ్రాలో కూడా (చలసానిలాంటి మేధావులు) చాలామంది ప్రత్యేకవాదాన్ని సమర్ధిస్తున్న విషయం గుర్తించండి. వాళ్ళనందర్నీ కూడా ద్రోహులుగానే పరిగణిస్తారా?
సామాన్య ప్రజలందర్నీ కలిపి దొంగలనడానికి మేం కూడా వ్యతిరేకమే. మరి మీరుకూడా తెలంగాణా ప్రజలందర్నీ కించపరిచే పద ప్రయోగాలు చెయ్యడం తప్పు కాదా?

VIJAY said...
This comment has been removed by a blog administrator.
Goutham Navayan said...
This comment has been removed by a blog administrator.
ravi said...

మీ అభిప్రాయాలు చెప్పండి వ్యక్తిగత విషయాలు ఎందుకు చెప్పండి.
ఇప్పుడు మీకు కే సి ఆర్ కి తేడా ఎముంది

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
VIJAY said...

@Ravi
అలాగా? మీరు మాత్రం బ్లాగుల్లో ఎవడిష్టం వచ్చినట్లు వాడు "ప్రత్యేక రాష్ట్రమొచ్చిన అనంతరం పదవ తరగతి అర్హత తోనే కలెక్టర్లను చేయుదమని...."లాంటి వ్యాఖ్యలు రాస్తూ పొండి. తెలంగాణా కోరుకునే ప్రతోణ్ణీ తాలిబాన్లతో పోల్చి ఎదవానందాన్ని పొందుతూ పొండి. అక్కడికి ఆ పోస్టులకు అర్హమైనవాడెవడూ మా దగ్గర లేనట్టు.
మాపై మీరు ఇలాంటి చిన్న చూపు, చురుకు మాటలు అనబట్టే కదా ఇప్పటి ఈ పరిస్థితి? మర్యాద గురించి ఒకరికి నీతులు చెప్పే ముందు మనం కూడా పాటించొద్దేటి?

Anonymous said...
This comment has been removed by a blog administrator.
Anonymous said...

mammlni telabaanu lu ani anna post lu unchuthaavu...

emi mimmlani aajakaarulu angane antha mandindha... delete chesthunnavu

Anonymous said...

emi perlu pettadamu meeku okkalike vachha...

aizamlu.. aajakarlu..

haha hahah hahah hahaha

SHANKAR.S said...

@gr8telangana గారు
నేను డిలీట్ చేసింది మీరు "అజాకార్లు" అన్నందుకు కాదు. ఆ పదప్రయోగం బావుంది. నేను తొలగించడానికి కారణం ఆ కామెంట్ లో మీరు వాడిన బాష. నేను నా పోస్ట్ లోనే చెప్పినట్టు విచ్చల విడిగా బూతులు , తిట్లు వాడటమే తెలంగాణా సంస్కృతి అనేలా చేయడాన్ని నేను వ్యతిరేకిస్తాను. అందుకే మీ పోస్ట్ తొలగించాను.

Anonymous said...

/ ఓ అంతరాత్మ ఉంటే దాని సాక్షిగా ఇప్పుడే ఓ ప్రతిజ్ఞ చేసెయ్యండి /

హ్వాహ్వ్హాహ్వా అలాగే, న్యాయంగా అడిగిన్రు

Anonymous said...

నిజంగా ఈ బ్లాగుల్లో జరగాల్సింది అర్ధవంతమైన చర్చలే అని మీరు కోరుకునేట్టయితే వీటిగురించి ఆలోచించండి:
ఎట్టి పరిస్థితుల్లోనూ రాష్ట్రం విడిపోవడానికి వీళ్ళేదనే సమైఖ్య నాయకుల మాటలు నిజమైనవే అయితే, అప్పుడు దొంగ రాజీనామాలు చేసిన వాళ్ళు ఇప్పుడూ పార్టీని వదిలేసి వెళతామని చెప్పాలి గానీ కేంద్రం ఎలా చెబితే అలా వింటామని ఒకడు, అసెంబ్లీలో బిల్లెందుకు పెట్టట్లేదని మరొకడూ కొత్త పాటలెందుకు పాడుతున్నారు? అంటే ఆ ప్రాంత ప్రజలపై వారికున్నది నిజమైన ప్రేమ కాదనీ, నాయకుడనేవాడెవడైనా అలాగే ఉంటాడనీ, వాళ్ళకు వాళ్ళ ప్రయోజనాలే ముఖ్యమని ప్రజలవి కాదనీ అర్ధమవడం లేదా?
ఒకవేళ నిజంగానే తెలంగాణా ఇవ్వడం న్యాయమేనని భావించి కేంద్రం ఓకే చేస్తే నిజంగానే వాళ్ళంతా రాజకీయాలనుంచి, కనీసం వాళ్ళ అభిప్రాయానికి విలువివ్వని కాంగ్రేసు పార్టీనుంచైనా బయటకొస్తారా?
మా ఆధీనంలో ఉండే హైదరాబాద్ లో మీకు రక్షణ ఉండదని భావించే మీలాంటి మేధావులు ఇక్కణ్ణుంచి వెళ్ళిపోతారా? (of coarse పొమ్మని మేం కోరుకోము,మీకా అవసరం కూడా లేదు)

SHANKAR.S said...

@ఆర్.ఎస్ రెడ్డి గారు
"మా ఆధీనంలో ఉండే హైదరాబాద్ లో"
మీది మాది ఏంటండీ?

మీకు గానీ ఈ బ్లాగ్లోకం లో ఉండే అనేకానేక తెలంగాణా వాదులకు ఒక సమైక్య వాదిగా నేను చెప్పదలచుకున్నది నేను తెలంగాణకు వ్యతిరేకం కాదు. కేవలం "ప్రత్యేక తెలంగాణా" కు మాత్రమే వ్యతిరేకిని. సమైక్యం అంటే అందులో తెలంగాణా కూడా కలిసే ఉంది అన్న విజ్ఞత దురదృష్ట వశాత్తు కొంత మంది సమైక్య వాదులకు కూడా లేకుండా కేవలం తెలంగాణాలో ఉండే వాళ్ళని ద్వేషించడమే సమైక్య వాదం అనుకుంటున్నారు. అదే విధం గా తెలంగాణా లో ఉండే వాళ్ళు కూడా "ప్రత్యేక తెలంగాణా ఉద్యమం" అంటే మిగిలిన ప్రాంతాల వాళ్ళని ద్వేషించడమే అన్న భ్రమలో ఉన్నారు. వీళ్ళని ఇలా చేసింది కెసిఆర్ కాదంటారా?

ఇక తాలిబాన్లు అన్న పదం నా బ్లాగులో నేను ఎన్నడూ ఉపయోగించలేదు. ప్రత్యేక తెలంగాణా కోరే వారు మరీ అంత మూర్ఖులు కాదని నా అభిప్రాయం.

ఇక పోతే నాదో చిన్న సందేహం కొంత మంది వేర్పాటు వాదులు కోరుతున్నట్టు ప్రాంతం పేరు మారితే సరిపోతుందా? స్వయం పాలన వస్తే సరిపోతుందా? పాలనా వ్యవస్థ మారనవసరం లేదా?

మాట్లాడితే దోచుకు తింటున్నారు అంటారు, ఎవరు దోచుకు తింటున్నారు? అలా తింటుంటే ఇన్నేళ్ళుగా మరి ఎందుకు నిర్లిప్తం గా ఊరుకున్నారు? అంత చేతకాని నేతలని ఎన్నుకున్నప్పుడు ఇప్పుడు ప్రత్యేక రాష్ట్ర మిచ్చినా కొత్త నేతలేమీ పుట్టుకురారుగా, వాళ్ళే అంతా. ఇంక అలాంటప్పుడు ఈ అనవసర ఉద్రేకాలు అవసరమా?

విరజాజి said...

ఆర్.ఎస్ రెడ్డి(డేర్2క్వశ్చన్ బ్లాగర్)గారూ!

"ఒకవేళ మీరు కోరుతున్న కేంద్రపాలిత/ కామన్ కేపిటల్ ఇవేవీ లేకుండానే తెలంగాణాను గనుక ఇచ్చేస్తే (ఇవ్వదనే మీ నమ్మకాన్ని అలాగే ఉంచుకోండి, కానీ ఒకవేళ ఇచ్చేస్తేనే నా ఈ ప్రశ్న?) మీలో ఎంతమంది హైదరాబాద్‌ను వదిలేసి వెళతారు? ఈ టపాలో వీర వ్రాతలు వ్రాసినవారివరకుచెప్పండి. నాకు చెప్పకపోయినా మీకంటూ ఓ అంతరాత్మ ఉంటే దాని సాక్షిగా ఇప్పుడే ఓ ప్రతిజ్ఞ చేసెయ్యండి - అదేగనక జరిగితే ఈ తెలంగాణా వీరుల గడ్డమీద మేం ఉండబోమని"

మొతటి ప్రశ్న - అసలు ఎందుకు వెళ్ళాలి? మా రాష్ట్ర రాజధానిలో మేము ఉన్నాము - ఇది మీది కాదు అని వేర్పాటువాదులు ఇప్పుడంటున్నారు.... అలా అనుకున్నపుడు "మీది కూడా కాదు" అని వేర్పాటువాదులకి మేము సమాధానం చెప్పాల్సి వస్తోంది. హైదరాబాదు మీరన్నట్లు తెలంగాణా వీరుల గడ్డ కాదు - తెలుగు వారు ఏ రాష్ట్రంలో ఉన్నా మా నగరమని చెప్పుకుంటున్న కోట్లాది తెలుగు వారి రాజధాని.

రెండో ప్రశ్న - అందరూ అన్నీ వదిలి హైదరాబాదునుంచీ వెళ్ళాలనే కదా, రక రకాల దూషణలకి దిగుతున్నారు? సరే ఆ రోజు వస్తే అలాగే వెళతామేమో (ఇప్పుడు చూస్తున్న పరిణామాలు చూస్తుంటే తెలంగాణా రాష్ట్రంలో తెలంగాణేతరుల పరిస్థితి ఎలా ఉంటుందో అని అలోచించడం చాలా సహజం) ... కానీ ఇది మా రాజధాని అనుకుని, ఊర్లల్లో మాకున్న తాతలనాటి ఆస్తులన్నీ అమ్ముకుని ఇక్కడ స్థిరపడ్డ మా ఇళ్ళకి / ఆస్తులకీ తగ్గ విలువల్ని, నష్టపరిహారాన్ని తీసుకుని మరీ పోతాం! అలా మీకు సరేనా? ఇన్నాళ్ళూ మాకు మా ఊర్లు లేవని బాధ పడలేదు - ఇదే మా ఊరు అనుకున్నాం! కానీ మమ్మల్ని మీ వారుగా భావించనపుడు - మా డబ్బు ఇక్కడ ఎందుకు ఖర్చు చేయాలి?

తెలంగాణా రాకుండానే ఇన్ని మాటలు మాట్లాడుతున్నారు ... మరి వచ్చాక వేర్పాటువాదుల ప్రవర్తన ఎలా ఉంటుందో అని ఆందోళన ఎవ్వరికైనా కలగడం చాలా సహజం. ఇక్కడే పుట్టి పెరిగి, వేరే ప్రపంచం తెలీని మాలాటి వారికి కూడా చాలా విసుగు పుడుతోంది ఈ వాతావరణం చూస్తోంటే!!

మరీ భరించలేని విషయం ఏమిటంటే - రక రకాల ఆరోపణలు వినటం! చాలామంది వేర్పాటువాదులు మొదలు పెట్టిన మాటలకి సమాధానం చెబితే మొత్తం తెలంగాణా వారిని అన్నట్లు ఆపాదించడం! ఆంద్రోల్లు దొంగలు, దోపిడీ దారులు.... అంటూ అందరినీ కలిపి వేర్పాటు వాదులు అనవచ్చు ... వాటికి సమాధానం మాత్రం ఆంద్రోల్లు ఇవ్వకూడదు. ప్రజలను రెచ్చగొట్టే నాయకులని తిడితే మీకెందుకండీ బాధ?

మనం అందరమూ సామాన్యులమే - మనకి ఉన్న సమస్యలని మనం పరిష్కరించుకోవడానికి మనం ప్రయత్నించాలే గానీ, అనవసరపు గొడవలను పెంచి పోషించేవారి గురించి మనం ఎందుకు కొట్టుకుచావాలండీ? వారి స్వర్ధ రాజకీయాలకోసం జనాలని రెచ్చగొట్టే కొందరికోసం మొత్తం తెలుగు జాతి బాధ పడాలా? ఒకరినొకరు దూషించుకునే దౌర్భాగ్యానికి దిగాలా? వేర్పాటువాదం సమర్ధించుకోవడానికి మరొక ప్రాంతం వారిని ద్వేషించాలా? వేర్పాటువాదుల మాటలకి తెలంగాణేతర తెలుగు వారు సమాధానమిస్తే దాన్ని తెలంగాణా ప్రజలందరికీ ఆపాదించాలా?

Srikrishna Chintalapati said...

ఎట్టి పరిస్థితుల్లోనూ రాష్ట్రం విడిపోవడానికి వీళ్ళేదనే సమైఖ్య నాయకుల మాటలు నిజమైనవే అయితే, అప్పుడు దొంగ రాజీనామాలు చేసిన వాళ్ళు ఇప్పుడూ పార్టీని వదిలేసి వెళతామని చెప్పాలి గానీ కేంద్రం ఎలా చెబితే అలా వింటామని ఒకడు, అసెంబ్లీలో బిల్లెందుకు పెట్టట్లేదని మరొకడూ కొత్త పాటలెందుకు పాడుతున్నారు?
----------

చిత్తం, కాసేపు భూకంపం సృష్టిస్తామనీ, కాసేపు గాంధేయవాదమనీ, కాసేపు ఉద్యమాలతోనే తెలంగాణ సాధ్యమనీ, కాసేపు డిల్లీలో కూర్చుని అన్ని పార్టీలతో లాబీయింగ్‌ చేస్తేనే తెలంగాణ సాధ్యమనీ, కాసేపు లగడపాటిని తరిమి కొట్టమనీ, కాసేపు లగడపాటీ ఐ లవ్‌ యూ అనీ- వీటిల్లో ఏదినిజమంటే, తెలంగాణ కోసం బొంతపురుగుని ముద్దుపెట్టుకోవడానిక్కూడా సిద్ధమనీ రకరకాలపాటలు ఇప్పటికే విని ఉన్నారు కనుక, వాటిల్లో ఏ పాటనిజమో తెలిస్తే వీళ్ళు సరైన పాట పాడుతారు.

----------
అంటే ఆ ప్రాంత ప్రజలపై వారికున్నది నిజమైన ప్రేమ కాదనీ, నాయకుడనేవాడెవడైనా అలాగే ఉంటాడనీ, వాళ్ళకు వాళ్ళ ప్రయోజనాలే ముఖ్యమని ప్రజలవి కాదనీ అర్ధమవడం లేదా?

11 యేళ్ళ ప్రయాణం తర్వాత, పైన చెప్పిన దృష్టాంతాల తర్వాత మీరుచెప్పండి, కేసీఆర్‌ మీద మీకు నమ్మకం ఉందా?
-----------
ఒకవేళ నిజంగానే తెలంగాణా ఇవ్వడం న్యాయమేనని భావించి కేంద్రం ఓకే చేస్తే నిజంగానే వాళ్ళంతా రాజకీయాలనుంచి, కనీసం వాళ్ళ అభిప్రాయానికి విలువివ్వని కాంగ్రేసు పార్టీనుంచైనా బయటకొస్తారా?

తెలంగాణ ఇవ్వడంలేదని నిర్ణయిస్తే, గుత్త, మంధా, సర్వే, మధుయాష్కీ, కనీసం మన కంటొన్మెంట్‌ శంకరన్న ఒక్కరైనా రాజకీయ సన్యాసం ప్రకటిస్తారా?
-----------
మా ఆధీనంలో ఉండే హైదరాబాద్ లో మీకు రక్షణ ఉండదని భావించే మీలాంటి మేధావులు ఇక్కణ్ణుంచి వెళ్ళిపోతారా? (ఒఫ్‌ చోర్సె పొమ్మని మేం కోరుకోము,మీకా అవసరం కూడా లేదు)

మీ ఆధీనం అయిన తర్వాత ఆలోచిద్దాం, అసలైనా ప్లీజ్‌ Define this "మాది" మాది అంటే- మీ నాయకులదా? ప్రజలదా? మేధావులదా? విద్యార్ధులదా, న్యాయవాదులదా?

ఏ విషయంలో చూసినా మీకంటే ముందు మీదంటున్న ఆ "మాది" లో మాకూ(హైదరాబాదులోని సీమాంధ్రులకు) గా వాటా ఉంది. ఆ వాటా మాకిచ్చేస్తే అలాగే వెళ్ళిపోతాం, లేదా మా వాటాని అనుభవిస్తూ ఇక్కడేఉంటాం.

Anonymous said...

Shankar
Good response.
@"మా ఆధీనంలో ఉండే హైదరాబాద్ లో ..." అంటే నా ఉద్దేశ్యం కొందరు సమైఖ్య మిత్రుల బ్లాగుల్లో (మీరు కాదు) తెలంగాణా ఇస్తే ఇప్పటికే హైదరాబాదులో ఉంటున్న సగటు ఆంధ్రా పౌరుల్ని ఇబ్బందులకు గురిచేస్తున్నవాళ్ళు హైదరాబాద్ కు మమ్మల్ని రానివ్వరని ఆరోపించినందున అదే నిజమైతే అలా ఫీలయ్యే మీలో ఎంతమంది హైదరాబాద్ ను వదిలి వెళతారు? అనే అర్ధంలో మాత్రమే అలా వ్రాసాను. లేకపోతే ప్రపంచమే ఒక చిన్న కుగ్రామమైపోయిన నేడు మీదీ మాదీ అనేందుకు ఆస్కారమే లేదనేదే నా అభిప్రాయం కూడానూ:)
@"వీళ్ళని ఇలా చేసింది కెసిఆర్ కాదంటారా?"
'విజ్ఞత దురదృష్ట వశాత్తు కొంత మంది సమైక్య వాదులకు కూడా లేకుండా... ' అంటూ మీరే వ్రాసినట్లుగా రెండు చేతులూ కలిస్తేనే కదా చప్పట్లు. మరో విషయం నేను వందకు 99 విషయాల్లో కేసీఆర్ తో విభేదిస్తాను. నా బ్లాగులో ఎన్నోసార్లు ఇదే విషయాన్ని ప్రస్థావించాను.
@"ఇక తాలిబాన్లు అన్న పదం నా బ్లాగులో నేను ఎన్నడూ ఉపయోగించలేదు."
మీ విజ్ఞతకు థ్యాంక్స్. కానీ మరొకరు వ్రాయడాన్నికూడా ఉపేక్షించాల్సింది కాదు. ఒకటి రెండుసార్లు అలా వ్రాయొద్దని అప్పీల్ చేసి ఇంకా అలాగే వ్రాస్తే ఆ కామెంట్లు ప్రచురించబడవనే మెస్సేజ్ ఇవ్వాల్సింది.
+ మీరుపయోగించిన "వేర్పాటు వాదులు" అనే పదం కూడా సరి కాదు, దేశ సార్వభౌమత్వానికి భంగం కలగని రీతిలో ఒక రాష్ట్రం గా విడిపోవడమనేది ప్రత్యేక వాదమౌతుంది, వేరే దేశంగా ఉంటామనేది (ఖలిస్థాన్, ఆజాద్ కాశ్మీర్ లాంటివి) వేర్పాటువాదమౌతాయి. గమనించగలరు:)

Anonymous said...

@"ఎవరు దోచుకు తింటున్నారు?"
నిజమే ఈ పద ప్రయోగం 100% తప్పు. నా బ్లాగులో అనేకసార్లు దీన్ని తీవ్రంగా ఖండించాను.(వెనకబడ్డ తలంగాణాకు రక్షణ కల్పించడంకోసం పెద్దమనుషుల ఒప్పందం రూపంలో కొన్ని రక్షణలను కల్పించారు కనుక ఆనాటి నాయకుల్లో స్వార్ధబుద్ధి లేదు అనుకునేట్లయితే తర్వాతి కాలంలో ఆ ఒప్పందాన్నీ, ఆరుసూత్రాల ఫార్ములానూ, 610 జీఓ ల స్పూర్థినీ తుంగలో తొక్కి యధేచ్ఛగా ప్రాంతాల మధ్య వ్యత్యాసాలనూ, విధ్వేషాలనూ పెంచేందుకు కారణమైన ఒక ప్రాంతపు అతితెలివిపరులైన నాయకుల తప్పూ, ఆరకమైన వివక్షాపూరిత పరిపాలనను మొదటినుండీ అడ్డుకోలేకపోయిన మరొకప్రాంత చేతగాని నాయకులదీను. ఇరుప్రాంతాల ప్రజలదీ మాత్రం కాదు.)
@"ఇప్పుడు ప్రత్యేక రాష్ట్ర మిచ్చినా కొత్త నేతలేమీ పుట్టుకురారుగా.."
మంచి నేతలు ఆల్రడీ ఉన్నారా? పుట్టుకొస్తారా అనేదానికీ రాష్ట్ర ఏర్పటుకూ సంబంధం ఉండరాదనేది నా అభిప్రాయం. మన దేశ స్వాతంత్ర్య పోరాట గమనంలోనూ కొందరు మేధావులు మనకింకా స్వయం పాలనకు తగినంత తెలివితేటలు రాలేదు గనక (తెల్లోడు నేర్పుతున్నాడు గనక అనే అర్ధంలో) ఇప్పటికిప్పుడు స్వాతంత్ర్యం కోసం డిమాండ్ చెయ్యొద్దని అన్నప్పుడు మిగతా నేతలుకూడా అలాగే అని పోరాడకుండా వదిలెయ్యలేదు. ప్రజాస్వామ్యంలో సహజ న్యాయసూత్రాల ఆధారంగా నిర్ణయాలు తీసుకుంటే తర్వాత జరగాల్సిన సర్దుబాట్లు అవే జరుగుతాయి. మహా మాహులమనుకున్న నియంతలే మట్టి కరిచినప్పుడు రేపు కేసీఆరో, మరొకడో తెలంగాణా పాలిట శాపంగా మారినా విరుగుడు దొరకదనుకోవద్దు. అదే నిజమైతే తొమ్మిదేళ్ళు ఘంటాపదంగా ఏలిన ఒక నియంత, తదుపరి పదేళ్ళు ఏలడం కోసం ఎన్నిక కాబడ్డ మరో నియంతా ఎలా పోయారో మనం చూడలేదా?
@"ఈ అనవసర ఉద్రేకాలు అవసరమా?"
అవును. ఇప్పుడు మనందరం ఆలోచించాల్సింది దీనిపైనే:)

Anonymous said...

అయ్యా,ఆరెస్ రెడ్డి గారూ, మీరు న్యూట్రల్ గా ఉంటాననీ, మీ బ్లాగులో పక్షపాతం లేకుండా అందరినీ తిట్టాననీ చెప్పినా మీ మాటల్లో కనపడుతోంది కూడా తెలంగాణా నాయకుల మాటల్లో కనపడే అహంకారం! " మా అధీనంలో ఉండే హైద్రాబాదులో.." ఈ ఒక్క మాట చాలు మీరేమిటో చెప్పేందుకు! కోస్తా వారి రక్తాన్ని ధార పోసి అభివృద్ధి చేసిన హైద్రాబాదు మీద ఆధిపత్యాన్ని .....తెలంగాణా రాష్ట్రాన్ని ఇంకా ప్రకటించక ముందే ప్రకటించుకుంటున్నారే పాపం! కోస్తా జిల్లాలను, మిగతా ఆంధ్ర ప్రాంతాన్ని కాదని హైద్రాబాదుని మాత్రమే అభివృద్ధి చేసిన సీమాంధ్రులకు కూడా హైద్రాబాదు మీద మీకెంత హక్కుందో అంతే హక్కుందని తెలుసుకోండి ముందు!

సీమాంధ్రులు దోచుకు తిన్నారో, హైద్రాబాదుకు తెలంగాణా ప్రజలకు వాళ్ళ శ్రమను దోచి పెట్టారో గ్రహించండి.

తెలంగాణా రాకముందే ఇక్కడ ఆంధ్రులకు రక్షణ ఉందని గట్టిగా చెప్పగలిగే సీను లేదు. "రండిరా ఉస్మానియాకొస్తే తేల్చుకుందాం" అని రంకెలేస్తుందెవరో చూసే మీరీ మాట మాట్లాడుతున్నారా? ఎల్లగొడతం, పానాలు దీస్తం, పండక్కెలితే మల్ల రానీయం, బొక్కలేరతం..ఈ మాటలన్నీ బ్లాగుల్లో పరుగులు తీస్తున్న సంగతి చూడనట్లే నటిస్తున్నారా? వాళ్ళది ఆవేశం అంటారా? మరి మీదేమిటి? మీదీ ఆవేశమే!

మీరన్నట్లు కేసీఆర్ అనేవాడు మీ దొంగ నాయా(ళ్ళ)కులకన్నా పెద్ద దొంగే అనుకున్నా అలాంటివాడే మీ ప్రాంతంలో ఉంటే మీరేం చేస్తారో మేమూ అదే చెయ్యలేమా?______________________ఇలా రెచ్చగొట్టుడు ధోరణిలో మాట్లాడే మీరు సమన్వయకర్తగా "అర్థవంతమైన చర్చ జరగాలని " మాటలు చెప్పడం బాగుందా?

మాట్లాడితే "హైద్రాబాదు వదిలేసి వెళ్తారా? " అంటారెందుకు? హైద్రాబాదులో స్థిరపడ్డ ఏ సీమాంధ్రుడూ హైద్రాబాదుని వదిలేసి వెళ్ళే ప్రసక్తే లేదు.....మీరెంత కోరుకున్నా సరే!
ఎల్లగొడతం అని ఎందరు కేకలు పెట్టినా సరే!

Anonymous said...

@Kiran Kumar
:నేను వివరణ వ్రాసాక మీ కామెంట్ పబ్లిష్ అయినట్లుంది.
అన్నట్లు - హైదరాబాద్ మాదని మమ్మల్ని అనకూడదన్నప్పుదు మీరుకూడా "కోస్తా వారి రక్తాన్ని ధార పోసి ..." అనకూడదు కదా:)
నిజమే అందరం కలిసి అభివృద్ధి చేసుకున్నాం. కానీ శతాబ్ధాల క్రితం కేవలం తెలంగాణా సొమ్ముతోనే కట్టిన చారిత్రక కట్టడాలను మేమెత్తుకుపోలేమూ, గత అర శతాబ్దం లో మీ + మా కష్టార్జితాలతో కట్టిన ఐటీ పార్కులూ, ఇంటర్నేషనల్ ఐర్‌పోర్టులూ గట్రా మీరూ ఎత్తుకుపోలేరు. కాబట్టే అందుకు కాంపెన్షేషన్ ఎవరో ఒకరం తీసుకుని హైదరాబాద్ ను ఇద్దరిలో ఒకరికి వదిలెయ్యాలనేది న్యాయం. ఎవరికి వదలాలనేది, ఎవరు కాంపెన్షేషన్ తీసుకోవాలనేది (ఇద్దరికీ కలిపి మాత్రం ఉంచలేమని కూడా) గుడ్డివాణ్ణడిగినా న్యాయం చెబుతాడు. కానీ ఇక్కడ సమస్య ఏంటయ్యా అంటే ఎవరూ పరిష్కారం దిశగా కాకుండా జఠిలం కోసమే మాట్లాడుతున్నారు:)

Anonymous said...

@Shankar(2nd part)
@"ఎవరు దోచుకు తింటున్నారు?"
నిజమే ఈ పద ప్రయోగం 100% తప్పు. నా బ్లాగులో అనేకసార్లు దీన్ని తీవ్రంగా ఖండించాను.(వెనకబడ్డ తలంగాణాకు రక్షణ కల్పించడంకోసం పెద్దమనుషుల ఒప్పందం రూపంలో కొన్ని రక్షణలను కల్పించారు కనుక ఆనాటి నాయకుల్లో స్వార్ధబుద్ధి లేదు అనుకునేట్లయితే తర్వాతి కాలంలో ఆ ఒప్పందాన్నీ, ఆరుసూత్రాల ఫార్ములానూ, 610 జీఓ ల స్పూర్థినీ తుంగలో తొక్కి యధేచ్ఛగా ప్రాంతాల మధ్య వ్యత్యాసాలనూ, విధ్వేషాలనూ పెంచేందుకు కారణమైన ఒక ప్రాంతపు అతితెలివిపరులైన నాయకుల తప్పూ, ఆరకమైన వివక్షాపూరిత పరిపాలనను మొదటినుండీ అడ్డుకోలేకపోయిన మరొకప్రాంత చేతగాని నాయకులదీను. ఇరుప్రాంతాల ప్రజలదీ మాత్రం కాదు.)
@"ఇప్పుడు ప్రత్యేక రాష్ట్ర మిచ్చినా కొత్త నేతలేమీ పుట్టుకురారుగా.."
మంచి నేతలు ఆల్రడీ ఉన్నారా? పుట్టుకొస్తారా అనేదానికీ రాష్ట్ర ఏర్పటుకూ సంబంధం ఉండరాదనేది నా అభిప్రాయం. మన దేశ స్వాతంత్ర్య పోరాట గమనంలోనూ కొందరు మేధావులు మనకింకా స్వయం పాలనకు తగినంత తెలివితేటలు రాలేదు గనక (తెల్లోడు నేర్పుతున్నాడు గనక అనే అర్ధంలో) ఇప్పటికిప్పుడు స్వాతంత్ర్యం కోసం డిమాండ్ చెయ్యొద్దని అన్నప్పుడు మిగతా నేతలుకూడా అలాగే అని పోరాడకుండా వదిలెయ్యలేదు. ప్రజాస్వామ్యంలో సహజ న్యాయసూత్రాల ఆధారంగా నిర్ణయాలు తీసుకుంటే తర్వాత జరగాల్సిన సర్దుబాట్లు అవే జరుగుతాయి. మహా మాహులమనుకున్న నియంతలే మట్టి కరిచినప్పుడు రేపు కేసీఆరో, మరొకడో తెలంగాణా పాలిట శాపంగా మారినా విరుగుడు దొరకదనుకోవద్దు. అదే నిజమైతే తొమ్మిదేళ్ళు ఘంటాపదంగా ఏలిన ఒక నియంత, తదుపరి పదేళ్ళు ఏలడం కోసం ఎన్నిక కాబడ్డ మరో నియంతా ఎలా పోయారో మనం చూడలేదా?
@"ఈ అనవసర ఉద్రేకాలు అవసరమా?"
అవును. ఇప్పుడు మనందరం ఆలోచించాల్సింది దీనిపైనే:)

bharadwaj said...

ikkada samasya telangana, andhra kaadhu ani naa uddesam. Telangana prajala manobhavalani cash chesukuntunna nayakula gurinchi thappa telangana vadhula gurinchi kaadu ani spastamaina message kanpaduthundhi ee post lo. Dheenini reddy garu gamaninchalani naa korika.

Jyothi said...

@bhradwaj: chala baga chepparu, you are 100% right
@Sankkar: excellent blog

Anonymous said...

@bharadvaj
well said.
నేను గమనించాను కానీ, సమైక్య పేరుతో అక్కడి ప్రజల మనోభావాలని క్యాష్ చేసుకుంటున్న కుహనా సమైక్య నాయకుల గురించికూడా రాస్తే బాగుంటదని నాకనిపించి నేనూ అవే వ్రాసాను. నేనుకూడా ఆంధ్రా ప్రజలకు వ్యతిరేకంగా ఎప్పుడూ ఎక్కడా వ్రాయలేదని గమనించగలరు:)

సత్యాన్వేషి said...

తమ క్యాష్‌ను, కబ్జాలను కాపాడుకోవడం కోసం ప్రజలలో లేని సమైఖ్యభావనను కృత్రిమంగా సృష్టిస్తున్నవారిగురించి గూడా అలాగే చర్చించండి.

Anonymous said...

/ నేనుకూడా ఆంధ్రా ప్రజలకు వ్యతిరేకంగా ఎప్పుడూ ఎక్కడా వ్రాయలేదని గమనించగలరు:)/

మన్షిగ చెప్పిన్రు. మీరెంత వి.. వి..వి.. విషాలహృదయులో! వీళ్ళూ అంతే తెలబాన్లకు వ్యతిరేకించారేగాని, తెలంగాణ ప్రాంతమోళ్ళను కాదు.

కెసిఆర్ రాజీనామాలు చేస్తే తెలంగాన వస్తుందంటున్నడు, మీరెందుకు ఆంధ్రప్రదేష్ ప్రభుత్వానికి నౌకరీ చేస్తున్నారు? మీకు తెలంగాణా ఆత్మగౌరం జర తక్కువపడిండా?

Anonymous said...

@"మీరెందుకు ఆంధ్రప్రదేష్ ప్రభుత్వానికి నౌకరీ చేస్తున్నారు? మీకు తెలంగాణా ఆత్మగౌరం జర తక్కువపడిండా?"
తిక్క ప్రశ్నలు వేసి తెలివితక్కువతనాన్ని బయటపెట్టుకుంటున్నారేమో ఆలోచించండి. అలా అని ఉద్యోగులకు ఆయనేమీ పిలుపునివ్వలేదు. ఇచ్చినా అది అవసరమా లేదా అనేది మేమాలోచించుకుంటాం, మీలాంటివారితో చెప్పించుకోవాల్సిన అవసరం లేదు. అయినా మీరే అంటున్నట్లు ప్రస్తుతానికి ఆంధ్ర ప్రదేశ్ ప్రభుత్వం అందరిదీనూ కదా?

Anonymous said...

ప్రభుత్వమూ, రాష్ట్రమూ ఒక్కటే అనే మేము చెప్పేది. నెల నెలా ఠంచనుగా జీతం ముడుతోందిగదా, ఏదీ ఒక సారి
జై ఆంద్రప్రదేష్ అనండి.

Anonymous said...

Jai Samaikhyaandra ani kooDaa. :)

I have my part of tax, in your pay.

Anonymous said...

/అనేది మేమాలోచించుకుంటాం, మీలాంటివారితో చెప్పించుకోవాల్సిన అవసరం లేదు./

తెలంగాణ వస్తే గిస్తే హైద్రాబాద్ వదిపోతామని 'ప్రతిజ్ఞ' చేయమని ఇవ్వమన్నారే! మీకివ్వాలా? మీరు చెప్పాల్సిన అవసరముందని ఎందుకనుకున్నారు? :)

ఇప్పుడు మీకో మంచి సామెత చెబుతా, "తనది కాకుంటే గోదారి దాకా దేకుదామన్నాడట", ఎలావుంది? ఏసందర్భంలో ఎలా వాడాలో తరువాత చెబుతా, తొందరపడి ఎడాపెడా వాడేయకండి. :P

Anonymous said...

అంటే జీతాలిచ్చేది జేజేలు కొట్టించుకోడానికా? తెలివితక్కువతనాన్ని బయటపెట్టుకునే మరో మాటా ఇది? ఇంత తిక్కగా అందరూ ఆలోచిస్తే జరగేవి ఇప్పుడు జరుగుతున్నవాటికన్నా భిన్నంగా ఉంటాయని ఎలా అనుకుంటాం లెండి:)

Anonymous said...

అన్నట్లు నా బ్లాగులో నీ చెత్త కామెంట్లకు ఏ గతి పట్టిందో చూసుకున్నావో లేదో?
అలాగే ఇక్కడకూడా వ్రాసి నీ వెర్రిని బయటపెట్టుకోకు, ఇక్కడా అదే గతి పట్టేట్లు చేసుకోకు. ఇప్పటిదాకా ఈ బ్లాగులో అర్ధవంతమైన చర్చలే జరిగాయి. నీలా పనీ పాటా లేకుండా ఒక వ్యక్తి వెంటపడ్డట్లు వ్రాసేవాళ్ళను ఏమనాలో అందరూ ఆలోచించేలా చేసుకోకు.
And finally, I don't mind keeping myself away from such brainless discussions.

Anonymous said...

అరెరే రెడ్డిగారు,
మీ బ్లాగులో నా కామెంట్ తీసేస్తే నాగతేం కాను, రోజు గడవడం ఎట్ల? ఇది మీకు న్యాయమా? విశాల దృక్పథంతో, ప్రజాస్వామ్యం స్పూర్తితో, విజ్ఞతతో మీ ఈ కఠోర నిర్ణయాన్ని పునఃపరిశీలన చేయండి. మీరు తటస్థులని సందు దొరికినపుడలా పునఃప్రకటిస్తూ వుంటారు. ఇదేనా మీ తటస్తత్వం? ఇదేనా మీ పోరాట స్పూర్తి? మీతో డిస్కషన్ చేయడమే ఓ ఎడుకేషన్ అని మేమంతా భావిస్తోంటే ఇలా చేయడం మీ మేధావిత్వానికే మాయని మచ్చగా మిగిలిపోతుంది.

కామెంట్లు వుంచడం, తీసేయడం మీ విజ్ఞత/బలహీనత. దాన్నేదో గొప్ప పని చాటించుకోవడం .. హూ..:) మీ అమాయకత్వం. 'అరచేతి నడ్డుపెట్టి కామెంట్లను ఆపలేరు'. మీ ఈ ఆనాలోచిత, అక్రమ, అనైతిక నిర్ణయం ద్వారా తెలంగాణ ఇవ్వడం ఓ 50ఏళ్ళు ఆలస్యమైతే అందుకు స్కైలాబ గారు చెప్పినట్టు మీరే భాధ్యత వహించాల్సివుంటుంది.

Anonymous said...

/అంటే జీతాలిచ్చేది జేజేలు కొట్టించుకోడానికా? తెలివితక్కువతనాన్ని బయటపెట్టుకునే మరో మాటా ఇది? /
మరి పని చేయకుండా ఖాళీగా ఏళ్ళకొద్దీ ఇంట్లో కూచోవడానికా, ఉద్యోగాలు/జీతాలు ఇచ్చేది? పోనీ జై సీమాంధ్రతెలంగాణ అనండి, మీరు తటస్థులు కదా! అనడానికి అంత మొహమాట పడుతున్నారే? మన కోదండ్రాం తదితరులు చేస్తోంది అదే కదా, వారినే ధిక్కరిస్తారా? లేదా కెసిఆర్ చెప్పినట్టు రాజీనామా చేయండి, తెలంగాణ వస్తుంది. అర్హులకు వుద్యోగాలూ వస్తాయి.

bharadwaj said...

Rajugaari chinna kodalu baguntundhi.. ante peddakodalu.... laga vundhi meeru cheppindhi. Meeru ekkaada andhra vallani annarani kaadu.. asalu maa baadha andhra, telangana ani veru chedsi choodadam endhuku ani..pratyeka telangana maatlade nayakule gaani.. telangana abivrudhi gurinchi matlaade nayakulu okkalainaa vunnaaraa..ippudu idhi brainless discussion aithe chesthunna panulu brainless vi kaavaa.............vatini emantaaru reddy gaaru....

VIJAY said...

Mr.తెలివి తక్కువ Snkr
మరి మీ శామ్యూల్ చేస్తలేడా జీతం తీసుకుంటూ సమైఖ్య ఉద్యమం? అయినా రెడ్డి ని అంతలా తప్పు పట్టే సీను, సరుకు నీదగ్గర లేదని తెలుస్తూనే ఉందిగానీ మూసుకుంటే మంచిది. రెడ్డి ఆల్రడీ రెండేళ్ళ స్టడీ లీవు పెట్టాడని ఆయన బ్లాగులో ఆమధ్య చదివాను. ఒక్కసారి అతని బ్లాగు బాగా చూడు, నీ మట్టి బుర్రకు ఆయనేంటో తెలుస్తది.

రక్తచరిత్ర said...

మాకు చదువు సంధ్య . పనీ పాట , ఉద్యోగం సద్యోగం ఉంటె అదే పని చేసుకునేటోళ్ళం . అవేమీ లేవు కాబట్టి తెలంగాణా బూచి చూయించి రోడ్ల మీద పడి అల్లర్లు చేస్తున్నాం . పనిలేని మంగలోడు పిల్లి తల అన్నా గోరగాలి కదా !
ఇట్లు
OUJAC
విజయ్-ద విజిల్ బ్లోయర్ /OUJAC/ఆర్.ఎస్ రెడ్డి/

kiran said...

కచరా great innovation

VIJAY said...
This comment has been removed by a blog administrator.
రక్తచరిత్ర said...
This comment has been removed by a blog administrator.
SHANKAR.S said...

@ విజయ్ గారు
@ రక్త చరిత్ర గారు
ఒకర్నొకరు తిట్టుకోవడమే ఈ నాయకులకు కావాల్సింది. ఒక్క ఏ ఒక్క ప్రాంతం వారూ మరో ప్రాంతం వారిని శత్రువులలా చూడటం, తిట్టడం నేను సమర్ధించను. వీలయితే తెలుగువాళ్ళకి ఈ పరిస్థితి తీసుకువచ్చిన నాయకులని ఏకిపారేయండి. అంతే కానీ మనలో మనం పరస్పరం గొడవ పడకూదదనేదే నా భావన. అందుకే మీ ఇద్దరి చివరి కామెంట్లు తొలగిస్తున్నాను. అన్యధా భావించకండి.

Marcus Erelius said...

wow, uma shankar garu, kachara concept adirindandi.
Innalloo mee blog miss ayinanduku chaala badha paduthunnanu, ikanunchi miss avvanani sapadham chesthunnanu.
Hatsoff to your wit.

avunu, intaki nenu gurthunnana ?

Anonymous said...

LOL....

Anonymous said...

LOL.....