బాబూ కె.సి.ఆర్...తప్పమ్మా అలా అనకూడదు...ఇంద ఈ గిఫ్టులు తీసుకో...

బాబూ కె.సి.ఆర్,

తప్పమ్మా అలా అనకూడదు. హైదరాబాద్ నాది అన్నవాడి నాలుక కోస్తా అన్నావు. ఒక్క కోస్తావాడి నాలుకే కాదు బాబు ఈ స్టేట్ లో ప్రతి ప్రాంతం వాడి నాలుకా హైదరాబాద్ నాది అనే అంటుంది. ఒక్క హైదరాబాద్ అనే ఏంటి? ఈ రాష్ట్రము, దేశము నాదే అనుకోడం తప్పుకాదు నాయనా. దేశం లో అన్ని ప్రాంతాలు అందరివీ అని మన రాజ్యాంగమే చెప్పింది...వద్దనడానికి నువ్వెవరు?  అయినా గౌరవనీయ పార్లమెంటు సభ్యుడివై ఉండి ఇలాంటి సంస్కారం లేని మాటలు మాట్లాడేందుకు నీకు సిగ్గుగాలేదా? మునుపోసారి బూతుమాటలకు అర్ధం వివరించి రాష్ట్రం లో పిల్లలని చెడగొట్టావు. ఇప్పుడు మళ్ళీ నాలుక కోస్తా, పీకలు కోస్తా అని వాళ్లకి కొత్త కొత్త మాటలు నేర్పకు (ఇలా ఎందుకు చెప్తున్నానంటే రేపు పొద్దున్న నీ మనవలు వాళ్ళల్లో వాళ్ళు కొట్టుకుంటూ "ఈ బొమ్మ నాది అని ఎవరయినా అంటే వాళ్ళ నాలుక కోస్తా' అని మీ ముందే చెప్పారనుకోండి మీ పరిస్థితి ఏంటి?).  అయినా తెలంగాణా మీద నీకున్న ప్రేమ చూస్తే ముచ్చటేస్తోంది....నల్గొండ ఫ్లోరైడ్ బాధితుల కష్టాలు చూసి కళ్ళల్లో నీళ్ళు తిరిగాయి అన్నావు, మరి శాసనసభ్యుడిగా, లోక్ సభ సభ్యుడిగా, కేంద్ర మంత్రిగా వాళ్ళ కోసం ఏనాడైనా ఏమైనా చేశావా? ఇప్పుడు నీళ్ళు తిరుగుతున్నాయి అన్నావు....ఇప్పటిదాకా ఆ కళ్ళు మూసుకుపోయాయా బాబూ? పోనీ నల్గొండ వదిలేయి నిన్ను ఎన్నుకున్న నియోజక వర్గాల ప్రజలకైనా ఏదైనా చేశావా? ఎంత సేపూ వాళ్ళు ఏమీ చేయలేదు, వీళ్ళు ఏమీ చేయలేదు అంటావే తప్ప అసలు తెలంగాణా కు నువ్వేమీ చేయలేదన్న విషయం చెప్పవా?  ఏ నాడైనా పార్లమెంటులో ఏ సమస్య గురించయినా చర్చించావా? ఇక హైదరాబాద్ లో నువ్వు కట్టించిన ఏకైక  పెద్ద కట్టడం తెలంగాణా భవన్ (అది కూడా విరాళాలతో). పాపం ఆ మోహన్ బాబే నయం వరదల్లో నష్టపోయిన రాజోలి గ్రామాన్ని దత్తత తీసుకున్నాడు. నువ్వు అదీ చేయలేదుగా. ఈ మాత్రానికే ఇంతలా ఎగరాలా? నువ్వు మంచి చదువరి అని అందరికీ తెలుసు (మన బ్లాగ్మిత్రుడు "చదువరి" కాదని మనవి) . నీకు వచ్చిన భాష తో నీ కార్యకర్తల్ని ఉత్సాహపరచు తప్పులేదు. అంతేకాని వాళ్ళని రెచ్చగొట్టకు. ఇంక నువ్వు ఉపయోగించే భాషే తెలంగాణా భాష అని నువ్వు అనుకుంటే పాపం సి.నా.రే లాంటి వాళ్ళు నీ దగ్గర చాలా నేర్చుకోవాలన్న మాట . నరుకుతా, పొడుస్తా , చంపుతా అనడమే తెలంగాణా సంస్కృతి అని దేశంలో మిగిలిన ప్రాంతాల వాళ్లకి నువ్వు చెప్పదలచుకున్నట్టు ఉంది. కాస్త పద్దతి మార్చుకో. ఇది నువ్వు వలస వచ్చిన తెలంగాణా ప్రాంతం వాళ్ళ సంస్కృతీ కాదు, నీ పూర్వీకుల విజయనగరం జిల్లా సంస్కృతీ కాదు.


ఇంక హైదరాబాద్ గురించి నువ్వు ఎవర్నీ మాట్లాడవద్దన్నావు. సరదాగా ఈ పాటలు విను. నీకు ఇవి ఒక సమైక్యవాది పంపుతున్న బహుమతిగా భావించి స్వీకరించు. చివరిగా నాదొక సలహా "ఎందుకైనా మంచిది కాస్త బి.పి. చెక్ చేయించుకో."


రిమ్ జిమ్ రిమ్ జిమ్ హైదరాబాద్

చల్ చల్ రే హైదరాబాదీ


(పైన లింకుల మీద క్లిక్ చేసి పాటలు విను. ఇంకెప్పుడూ హైదరాబాద్ నీ ఒక్కడిదే అనకు నాయనా! )

మీ అభిమానం, ఆత్రుత , ఆందోళన తగలడా!!!.....అసలా విషయం ఎవరూ ఆలోచించరేం?

ఎప్పటిలాగే ఈ పోస్ట్ ఇమేజ్ ఫార్మాట్ లో ఇస్తున్నాను. క్లిక్ చేస్తే వేరే పేజి లో ఓపెన్ అవుతుంది. చదివేసి వదిలేయకుండా కుసింత ఆలోచించండి. అలాంటి వారిలో ఏ ఒక్కరైనా మీకు తెలిసిన వాళ్ళుంటే వాళ్ళలో ఆలోచనకు బీజం వేయండి. 

ఘంటసాల పుష్ప విలాపం - విని చెప్పండి ఎలా ఉందో...

ఎప్పుడు విన్నా మనసును కదిలించే కరుణశ్రీ జంధ్యాల పాపయ్య శాస్త్రి గారి పుష్పవిలాపం ఘంటసాల గొంతులో వినడమంటే నాకు చాలా ఇష్టం. రాసింది పాపం కరుణశ్రీ అయినా ఇది ఘంటసాల గొంతులో నుంచి వచ్చి ఘంటసాల పుష్పవిలాపం గా ఫేమస్ అయిపోయిందంటే ఏ స్థాయిలో ఆయన ఈ రచనకు న్యాయం చేయగలిగాడో ఊహించుకోవచ్చు. పూర్తిగా విన్న తరువాత ఇంక ఏ పువ్వు ను చూసినా మీకు ఇదే గుర్తుకు వస్తుందని మాత్రం ఘంటాపధంగా చెప్పగలను. అలాంటి అరుదైన, అపురూపమైన ఆడియో క్లిప్ లను మీతో పంచుకోవాలనిపించింది. లింకులు కింద ఇస్తున్నా. క్లిక్ చేసి విని మైమరచిపోండి. నాకు కామెంట్ చేయడం మాత్రం మరచిపోకండి.
ఘంటసాల పుష్ప విలాపం - 1

ఘంటసాల పుష్ప విలాపం - 2

"ముందు బుక్సు, వెనుక బుక్సు...కుడి ఎడమల బుక్సేబుక్సు" - పుస్తక ప్రదర్శనకు నా మొదటి దండయాత్ర (ఈ ఏడాది)

ఈ పోస్ట్ ఇమేజ్ ఫార్మాట్ లో ఇస్తున్నాను. క్లిక్ చేస్తే వేరే పేజి లో ఓపెన్ అవుతుంది. అర్జంటుగా చదివేసి...మీ అభిప్రాయాలు చెప్పేయండి! 

పాపం పసివాడు...ప్రభుత్వ కుట్ర...హన్నన్నా !

ఈ పోస్ట్ ఇమేజ్ ఫార్మాట్ లో అందించాను. చదవడం ఇబ్బందిగా ఉంటే పోస్ట్ మీద క్లిక్ చేస్తే వేరే పేజి లో ఓపెన్ అవుతుంది. 

'నిదురించే తోటలోకి పాట ఒకటి వచ్చింది' కి సమైక్య వాది పేరడీ (గుంటూరు శేషేంద్ర శర్మ, మన "బాపు" లకు క్షమార్పణలతో)

"నిదురించే తోటలోకి పాట ఒకటి వచ్చింది" ఇది నాకు చాలా చాలా చాలా ఇష్టమైన పాట. తెలుగు వాళ్ళు గర్వించదగ్గ గొప్ప కవి శ్రీ గుంటూరు శేషేంద్ర శర్మ గారు రాసిన ఒకే ఒక్క సినిమా పాట ఇది. పాటలో ఫీల్ ను అలాగే తెరకెక్కించిన మన "బాపు" గురించి ప్రత్యేకంగా చెప్పాలా? అలాంటి ఆ పాటను ప్రస్తుతం ఉన్న పరిస్థితుల్లో సమైక్య వాది పేరడి గా పాడుకుంటే ఎలా ఉంటుందన్న ఊహతో ఇది రాయడం జరిగింది. ఇది ఎవర్నీ నొప్పించేందుకు కాదని మనవి. (గుంటూరు శేషేంద్ర శర్మ గారికి, మన బాపు కు క్షమార్పణలతో..)
మీ సదుపాయం కోసం ఆ పాట లింక్ ఇక్కడ ఇస్తున్నాను.  ఆ ట్యూన్ వింటూ ఇది చదవండి. బావుంటే ఓ కామెంట్ తో భుజం తట్టండి. మీకు నచ్చకపోయినా మొహమాటం లేకుండా ఆ ముక్క చెప్పేయండి.
నిదురించే తోటలోకి పాట ఒకటి వచ్చింది

మీకు మీరే ...మాకు మేమే! హైకూలని నా అనుమానం :-)

రోజుకొక్క రావణ కాష్టం

నేను శ్రీ శ్రీ ని చూశానోచ్ !!!!!!!!!!!!!!!

ఇవిగో లింకులు...పండగ చేసుకోండి


MAHAKAVI SRISRI MEMORABLE MOMENTS IN HOUSTON -1




MAHAKAVI SRISRI MEMORABLE MOMENTS IN HOUSTON -2




MAHAKAVI SRISRI MEMORABLE MOMENTS IN HOUSTON -3




MAHAKAVI SRISRI MEMORABLE MOMENTS IN HOUSTON -4




నచ్చితే ఓ కామెంట్ తో భుజం తట్టండి !

గొప్ప ఫిలాసఫర్ మన గోళీసోడా

నా ఆలోచన నచ్చితే ఓ కామెంట్తో వెన్నుతట్టండి.